A Poi Kho Tak Tak. Tunai Te US Chin Mi Chung In Kan Thawngpang Theih Mi Cu A Poi Kho Tuk Hring Hran.

Wednesday Briefing: Top Stories

Zahan Aug. 13, zanlei ah Chin Community of Indianapolis (CCI) nih naihrawng Indy i meithal kahnak a chuak pah lengmangmi kong he pehtlai in Emergency meeting an auh i Krifabu kip pastor le upa pawl minung 100 deng an chuak. Southport police 2 zong nih an telpi hna. Police nih zeidah an chim i zei kong dah an ceih.

 Southport chief police 2 nih upa pawl an chimhmi hna cu;

Meithal zuun 33 a firtu kha video record ningin cun Chin mino chung in an si ko ti zumh a si an ti. Firmi meithal hi zuun 6 cu police nih an tlaih khawh cang i meithal firmi a ngeitu minung 3 zong an tlaih chih hna an ti.

Meithal dawr an bauh hnu in meithal kahnak voi 6 a chuak cang i an kahmi hna hi Chin mino minung 4 an si an ti. A kaptu zong, kahmi zong gang bu i ai telmi an si kho men tiah an chim.

Chin mino minung 4 nih an i monghmi mawṭaw ah meithal zuun khat, zuun 33 firmi chung si lo in, meithal dang hmuh le tlaih a si tiah an chim.

Chin mino a lemsoi (recruit) tu hna gang bu phun 3; Asian Boyz, Southside Crips, le Vice Lords hi an um an ti. Nulepa nih fale tlonlen ning le an hawi komhmi hna ngiat le hngalh i zuam cio ding a biapi tuk tiah ralrinnak zong an pek hna ti a si.

# Hmurka in si seh, ruahnak le thazaang in si seh, Indianapolis Chin/Laimi le CCI caah thazaang tampi a kan chuahpiak tawn tu kan upa Pu Thankio Hengcin a damlo ngai i sizung ah zarh khat leng a um cang. Damtein a chuah khawh ṭhan nak hnga Pathian sinah thlacam in bawm cio u sih.

TheChinVoice i thawngpang ṭialmi hmuh le rel khawh colh nan duh ahcun LIKE khi rak hmet/click te uh…

Credit : The Chin Voice

Leave a Reply

Your email address will not be published. Required fields are marked *