Atu lio alar tuk mi cu Zofa hna chanhchuah nak camping asi, vawi khatnak ah minung 1000 lut ding ah minung 2300-2500 karlak an sicaah an buai bak ko,

Mah camping hmunhma hi Mizoram ah zuzuar nak le atam biknak hmun tiah an timi Rangvamual hmun kha asi, Zofa hna chanhchuahnak Camping an timi ah hin kau ngai in a huam mi asi, zofa khawika hmun ah um mi zong lut khawh ding ah tiah chim asi fawn, nizan 17.10.2022 ah khan luh ni asi, a hmasa ah online register asi, nizan an luh zan taktak ah khan minung lut duh mi an tamtuk caah, riantuantu hna zong an buai ngai ngai khi asi.

Camping ah lut ding mi hna hi zei ruang adah an lut timi hi, Corruption lak ah, Zu edict lak ah, Drug addict lak ah, Zunthlum lak ah, Thisensang lak ah, Cancer lak ah, HIV/AIDS lak ah, Hepatitis le zawtnak dang dang lak ah, dam duh ruang ah mah Zofa hna chanhchuahnak camping ah hin a lut mi hna an si tiah Speaker nih arak phuan mi asi bantuk in, lut mi hi an tam ngai ngai nak chan pakhat asi tiah an ti hna fawn.

Zofa hna hi hi bantuk zawtnak ngei hi India ram chung ah tam bik cem kan si, a rapthlak bak ko, mah camping chung ah hin zu rim nam le nam lo tiang an tel dih ko, camping ah hin kha vialte zawtnak ngei mi hna cu, damnak ding ah thil pakhat longte angei, mah ssi cu minung “thluak/Brain” thianghlimter hi asi? Allopathic system-ah cun zawtnak dang dang hna caah hin Sii phun phun a um dih hna, Cancer caah cancer sii, HIV caah HIV sii, Kal ah lungte um caah ‘surgery’ cu bantuk in Cancer zawtnak ngei mi cu ‘chemo’ pek an si, HIV sii an pek bal lo, ‘antibiotic’ hna an pek tawn khi asi.

Camping-chung ah cun mah vialte zawtnak caah sii phun khat longte a um! Mah cu “Thluak thiangter” asi, hlasak hna, lam hna, thlacam hna cu a bebawm an si ko, damnak taktak ding ah cun minung nih khua aruahnak bik thluak hi arak bia pi ngai ko khi asi, minung taksa ah zawtnak dang dang hna cu, an zawtnak phun phun asi bantuk in sii zong a phun phun pek herh mi asi, camping chung ah cun sii phun khat long te herh mi asi.

 

Mah sii cu zei bantuk sii dah asi? Nan theih hna maw? cu minung zawtnak phunphun le zawtnak asi lo mi corruption, Zu edict, Drug edict, hna vialte caah damnak bik cu, “Zumnak” hi asi! Jesuh khrih nih ‘Nan zumnak cu nan dampi’ a timi kha adik mi asi, Dam lo pakhat sin ah, Benny Hinn-nih zumnak ngei in ava pan ah cun, lampi ah akal lio hmanh ah khan, acheu hrawng cu damnak a ngei cang kha asi, Benny Hinn-nih athiam ning tein dam lo cu, a thluak athiangter lio ah, thinlung a ong deuh deuh khi asi, an thin lung a ong deuh deuh nak cu, zumnak fektertu deuh deuh khi asi ve peng fawn, mah cu damnak tlamtling asi.

Benny Hinn-nih confirm nak ding ah, ‘Nan pawpi cancer nak kha nakut in va tong ko’ tiah ati mi cu cancer zawtnak ngei adam lo pa nih cun, Benny Hinn chim bang in akut in a cancer nak cu ava tong ah cun, adam tawn khi asi, mi nih zumnak taktak he thluak thiangter nak Specialist-bak in an cawn piak ah cun, a taksa thawnnak (energy) um mi vialte hna kha zawtnak a ngeinak ah khan akal khawm dih kha asi, mah cu damnak ah arak canter tawn, dam cang bantuk in a umter kha asi.

A hnu ah cun duhsa duhsa tein an zumnak kha arak niam than deuh deuh peng tik ah, a taksa thawnnak (energy) zong adarh ve deuh deuh tik ah, an zawtnak kha hlan lio bantuk in dam lo zawtnak ngei kha asi than khi asi tawn,hi bantuk thil hi mithiam hna nih an pawm ning asi, USA-ah cun news paper hna ah an tial tawn ko, Benny Hinn pawl nih kha bantuk thil sining hna kha an-el bal lo, hi bantuk camping ah cheu khat akal nak chan cu, corruption, nun ning dik lo ngei, mi dang hna nih an dirhmun fiang ngai in an theih mi hna hi, camping ah aluh ah cun mi dang hna nih pianthar/hrinthar hmuh ah an hmuh ah cun, tuhlan ah min chiatnak hna cu a um ti lai lo tiah ruahnak ngei mi hna an si tiah an ti.

Camping ah minung tampi an lut mi kha, Speaker hna nih lawm umtuk hringhran tiin an chim tawn mi hi Pu Manzuala nih cun, adik lo mi asi ningzah dingtu kan si tiah ati, a ruang cu zofa hna chung ah hin misual kan tam ngai tinak asi lai caah, ningzahtu ding kan si ati, thla 3-4 hnu ah camping tuah than selaw atu bantuk hin lut duh an tam thiamthiam ko lai, damnak taktak ngei lo mi kan si? Zofa hna hi kan lungput hi afek taktak lo pin ah, kan zumnak hi thla hnih khat hnu ah adih tawn tiah ati fawn, khat lei kap in ruah ah cun arak dik ngai ko.