Aung La N Sang Nih Reinier De Ridder A phomhnak Domh Kong Cu Fiang Cikcek In A Phuan Cang.

Aung La N Sang nih fiang taktak in tuthla ocotber 30 i aa phomhnak ding kong a van langhter cang. Tuthla Ocotober 30 Friday ah khin Burmese Pythone Aung La N Sang le Reinier De Ridder hna cu Middleweight World Championship title an an iphomh lai. Tutan an i phomhnak ding khi Singapore ah a si lai. Aung La nih amah account bak ah fiang tak tak in a van langhter. Hmanthlak hi van zoh. Ahonih dah teinak hmu lai ti belte chim khawh a si tuk lo. Mi tampi belte nih Aung La nih a tei hrim lai tiah an zumh. Hmanthlak hi Aung La N Sang nih a Instagram account bak ah a langhter.

Asinain mi tampi nih Aung La caah thinphang ngai a si tiah a ti mi an um pah len. Naite khan Aung L Nsang hi Covid 19 in a rak zaw ve. Cucaah Thaw chuah lei ah harnak a ton khawh pah caah a sung te kho men tiah a ruatmi zong an um pah len. Cucaah zei tak tak hmanh khi chim dih khawh a si rih lo. Cun tutan ah hin a hawipa Martin Nguyen le US pa Thanh Le zong feather weight world championship ah an i phomh ve lai.

(mah capar hi van rel chap) Laimi nih kan i bochan ngaingai mi Rev.Robert Thawng Zam nupi Olivia Zam nih Pathian bia a chim mi cu a tha kho taktak. Uar um kho taktak si. A fim bak ko. Pathian bia a chim mi cu a tha kho taktak.

Herhnak vialte petu Pathian

„Cung Nung Bik Pathian cu ka auh, ka herhnak vialte a ka Petu Pathian cu ka kawh. Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a Dawtnak le Zumhawktlak a sinak kha ka cungah a langhter lai.“ (Psalm 57:2-3)

*Nifatin kan herh baunak a hngal dihtu le pe khotu tak tak cu Pathian lawng lawng asi. Amah cu kan lungthin tak le lungthin dih um lak in kan auh tik le kan kawh tik paoh ah, a kan lettu Pathian asi (Jeremiah 33:3). Nifatin kan nun ah har can ah siseh lawmh can ah siseh, a Dawtnak le Zumhawktlak asinak cu kan sinah langhter a duh zungzaltu Pathian asi. Cucaah nihin le nifatin kan nunnak ah, nangmah le keimah khamh le bawmh a kan duh zungzaltu a nungmi Pathian cu auh le kawh zungzal ko hna uh sih!

Pathian vel le daihnak na cungah um ko seh!

Nikhat hnu nikhat thilrit changtu Bawipa :

“Ni khat hnu ni khat kan thilrit a kan changtu BAWIPA cu thangṭhat ko u, Amah cu a kan Khamhtu Pathian a si.” (Psalm 68:19) *Kan nun ah kan tonmi harnak, ngaihchiatnak, sunghzatlaknak, lungretheihnak le thilrit vialte cu, kan pawngkam minung hawi nih cun voikhat, voihnih, ni khat, ni hnih, zarh khat, thlakhat kum khat etc. chan an kan bawmh khawh ko men hnga, asi nain a can vun sau deuh ahcun lungsau le thinfual a har kho men. Sihmanhsehlaw, nikhat hnu nikhat cu kan thilrit vialte a kan chang peng khotu cu BAWIPA Pathian lawng lawng asi. Hallelujah!

*Jesuh nih hitin Bia a kan kamh, “maw retheimi le thilritmi vialte hna, Ka sinah ra tuah uh, dinhnak Kan pek hna lai. Ka seihnam kha i bei u, KEI cu nunnem le mitoidor Ka si caah Ka nawl hi i cawn ve u; cun dinhnak kha nan hmuh lai. Ka seihnam cu bei a nuam i, Ka thil cu a zaang”, tiah ati. (Mat 11:28-30) *Cucaah nihin le nifatin ah na tonmi le na phorhmi thilrit vialte cu BAWIPA sinah le BAWIPA hmaiah rak pu law, BAWIPA nih an chaan lai, an khamh lai, dinhnak an pek lai.

Credit : Olivia Zam