Benjamin Sum Cu Kawlram Chung Media Nganbik Asimi Hmanh Nih Kum 2020 Thimnak Voting Sawmtu Ah An Auh Ṭhan Cang

Kan lai hlasakthiam pa Benjamin Sum (Ben Ben) cu nikhat hnu nikhat a minthang chin lengmang ko. Hlasak lei siseh, fashion lei ah siseh a mah tawk in mipi nih an cawisan, an auh lengmang. Hla asakmi hrimhrim cu kalwram chung lanwg hmanh siloin ramdang korea le Japan tiang nih an lawmhpi. Anram pi nih thazaang biatak tein an rak pek.

Kan theih cio bang in Ben Ben hi Chin state Falam khuami a si. A nih cu hringtu apa nih a ngakchiat lio in a rak thih tak cangmi asi caah  anu he lawng khua an sa. Ngaktah te a si nain Pathian nih khuaruah har in acawisan ii Kalwram pumpi nih theihmi hlasakthiam minthang pakhat aa hung i chuah.

Mipi nih an theihka tein an uar tuk cio ii nihinni tiang thazaang pek an ngol ballo. Hi bantuk tiang minthan nak a hmuh zong hi Pathian thanwg lawng lawng in a siko. Kan kawram nih a ngeihmi Media vialte lakah a rang bik le angan bik media BBC Burmeses nih a tukum 2020 thimnak caah Voting sawmnak ding caah Ben Ben cu an auh. A tu bantuk in kawl miphun nih lai miphun chung in voting sawmnak tuah ter hi a um balo.

Ben Ben hi a voikhatnak a si kanti ahcun a palh lailo. Cu caah kalwmi hna hmanh nih kan miphun te an cawisan ahcun laimi phun chin chin nih cun kan cawisan le thazaang kan pek hi a biapi tuk. Pathian tu nih hmailei a lamthluan zongah hinak in lam ttha hruai chin rih koseh. Kan in uar tuk Ben Ben laimi cawisang tu si zungzal rihko. Ben Ben le hlasak aa zuam ttimi nih vote sawmnak vedio zoh khawh a si lai. Vedio zoh na duh ahcun BBC Burmese page ah zoh khawh si lai. A link chiah khawh si lo caah kan chia kho lo.