Benjamin Sum Nih Hliamhma A Put Mi Kong He Pehtlaiin Thawngfiang Theih A Si Cang.

Benjamin Sum hmai ih Pem in mipi a ti lau theh.

Benjamin Sum ih hmai ah pem le khawndurhmi thawn mi zaan ah Live a run thlah ih mipi thinlung a lauter theh.

Sinan himi hi make up men a si ih “Pain Killer” timi hlathar video shooting hrangih an tuahcop mi a si thu amah in a run simfiang sal.
Kan dung thla lai ah boruak sia a ton thawn accident pakhat khat a tong pang maw tin mipi ih thusuhnak a ti tam ter man nasa.

Benjamin Sum in “Pain Killer timi hla thar hi reihlan ah ka run tar ding. Tha in rak pe cio uh maw. Himi hla hi ka thinlung tuarmi pawl ka burhkhawmmi khal a si. Cun mipi bomnak fund hrang hlasak ding tla Guys From Chin in kan timtuah rero” tiah a sim.

Pain Killer hi Kawl hla a si ih Pop R&B style deuh a si.

Credit : Zalen