Benjamin Sum nih Lai hlasakthiam a Uarmi 3 hna a Phuan Hna

The Hakha Times nih Benjamin Sum interview an tuahnak ah bia an halmi le a lehmi hna chungin tlawmpal te kan rak langhter . Benjamin Sum hlasa hlah law zeidah na tuah lai tiah an hal i “Hla ka sak lo a si ah cun katuah dingmi cu kai timh cia mi a um lo nain Pathian sin ah ka sining dihlak ka ap dih ko cang i ka herh can te ah amah nih ka caah a thabik in khua a ka khan piak ko lai tiah zumhnak ka ngei” tiah a leh mei ko. Cun Lovesong sak kong a hal mi ah ” Minung cu ruahning le hmuhning aa dang cio i kei nih cun LOVE SONG hi asual bak lo tiah ka ruah ko” tiah a leh than.

Hlasak thiam pathum in thim hna a ti i ” Chinmi hlasak thiam hna lak i ka uarbik mi hna pathum cu Pakhatnak ah cun ka nu hi ka duhbik , pahnih nak ah cun Salai Tuan Ling Thang le Paling hna hi ka uar bik hna .Ka nu hi cu ka hngakchiat lio te in a hlasak le a aw ka theih lengmang mi a si i a aw pek dan hi ka duh tuk , Cun Salai Tuan Ling Thang hi kan hngakchiat lio te in a mah hla lawngte hi ka rak ngai i a tutiang hlalei ah fekte in a dir khawh peng rih mi hi ka upat tuk fwn . Cun Paling hi ahlaphuah dan le a hlasak dan pawl hi ka uar kho taktak ve tiah a chim.