CONGRATULATIONS ! Lawmhpi Cio Hna Usih.
Kan Lainu hlasakthiam minthang simi Nilen Parmawi cu pasal a nei cang lai. Caan saupi a darling kong he pehtlaiin thawngpang kan theih ti lo hnu ah a fans le caah thawngpang thar tha tuk mi cu a mah bak nih a van thanh cang. A pasal ding hi a hmanthlak a langhter rih lo nain pa za ngai si dawh a si.
Mah ti hin Nilen Parmawi nihcun pasal a neih lai nak kong cu a phuan cang,”I said YES. Thank You UU ❤️ save the date 23.03.23″ tiah a darling pa nih i neih a sawm nak kong cu YES tiah a lehnak kong a chim. Hi bantuk in pasal tha mi aa hmuh hi kan lawmhpi tuk hring hran ko. Bawipa nih an lam hruai zungzal ko hna seh.
Credit : Nilen
Nihin Matupi lei thawng pang thar ah ralhrang pawl lei minung ‘thleihnih’ nunnak a liam tiah,
Date 20 March 2023: Matupi base (Khah-Lah-Yah) battalion N0-304, ralhrang pawl cu Matupi le Paletwa lampi cung ah um, Thi Boi camp lei ah, ralkap thazang le ration hna pek ding a motor 3 le ralkap minung 80 hrawng he zing suimilam 10:00AM ah , Matupi in Paletwa lei km 6 ah cun, Miphun venhimtu pawl Matupi he vawikhat an ithuat hna tiah theih asi.
Zanlei Suimilam 1:00PM ah km 7-8 karlak ah vawikhat an ithuat than, Cun date 21 March ah zing Suimilam 9:30AM ah km 9 le Tuisip khua luhnak ah idohnak a um than, ralhrang lei ag ralkap 12 an thi pin ah hliamhma ngei zei maw zat an um fawn tiah theih asi.
Matupi le Hakha lei lam ah an chiah nak camp hmun in,meithal pi he an duhnak hmun hna ah an kah ruang ah, Matupi le Paletwa lam cung ah um, Valangpi khua chung ah meithalpi kah mi bimb a puak tiah theih asi, Mipi kilh ventu Chinland Defence Force CDF Matupi lei le mipi civil hna cu thi le hliamhma ngei an um lo tiah report ah tarlan asi.
Chin State-ah Military council ralhrang hna an cawlcangtuk ruangah eikawlnak a um ti lo,
Military council ralkap hna nih nawlngeihnak an lak hnu ah hin, Chin State-ah hriamnam an hman tuk hringhran caah, Chin mi nih ei kawlnak ah kan ngeihchun lo lei rian zeihmanh tuan khawh lo in kan um cang ruang ah, harsatnak kan ngeih lian deuh deuh khi asi cang pin ah buh/bal ei ding zeihmanh thar chuah kan ngei ti lo tiah theih asi.
Hi kong ah hin hlatthlainak tuah lio Mr. Khin Maung Soe nih, Chin State in India-lei ah ralzam CDM saya nu pakhat le human right lei ah nawlngeitu deuh an halnak ah cun, Chin State-ah hin Military council ralkap hna le CDF, CNF tangrual hna he an ithuatnak Thantlang township, Matupi township le Mindat township-ah khuachung ah um civil mi hna an zam dih hna atu tiang an kir ngam rih lo khi asi.
Ei le din kawlnak ding anrak tuah tawn mi buh/bal ngeinak cu zeihmanh tuah khawh lo in an um ko khi asi cang fawn, Kan hnu lei deuh ah khan India ramri-ah ralzam Matupi Chin saya mah CDM-ah lut mi Mai. Malsawmii nih hiti hin an chim mi asi, “Lo lei riantuan khawh a um ti lo, himnak ding ah a remnak poh ah kan zam mi hi kan rian asi ko, Military council ralkap hna cawlcangnak ruang ah Lo/dum hna zong zam tak dih asi.
Yangon, India le Malaysia lei hna ah an zam hna khi asi, Bomb le hriamnam lian an hman peng fawn, CDF le PDF hna an um tiah theih asi fawn ruang ah, civil mi umnak In le lo hna tiang Ralhrang pawl nih mei an khangh dih khi asi, khuachung mipi tam deuh cu himnak duh in an zam hna khi asi, Mindat lei hi azual deuh chinchin, Thantlang bantuk in Military council ralkap hna nih an umpi peng fawn, ram tang ah thlai hnah um hna tete rinh in an um hna khi asi.
#SayamahCDM#