Cu Tluk Pi Dawt Hlei Hniang Le Pu Sui Lian Hla Thar Dawh Khawh Cu (VIDEO).

Cu tluk Pi Dawt Hlei Hniang le Pu Sui Lian hla thar dawh khawh cu, a mak law law khi si. Tutan Pi Dawt Hlei Hniang le Pu Sui Lian nih an sak mi hla hi ram hla a si i “Thinlung mitthli” timi hla a si. Hi hla hi Zo King nih a phuah mi hla a si. A hla bia a that pin ah a satu Pa2 Laimi lak ah hlasak thiam bik pawl simi Pi Dawt Hlei Hniang le Pu Sui Lian nih an thiam ngamsam. A tang bak ah a video van zoh.

Credit : Par Chin Tial

Hakha Circle Council Cathanh, Letter No: 1/2023

26 January 2023, Hakha Circle Council cu CDF – Hakha Council ṭhithruainak tang ah a um i, zatlang uknak circle pali hna lakah Hakha khuachung circle, zatlang uknak a si. 10 September 2021 ni ah, zatlang uknak rak ser mi cu pehzulh in Hakha Township People’s Conference tuah hnu ah ser a si i nihin caan tiang ah tazacuainak siseh, a dangdang zong tawlrel mi le tawlrel lio mi an um cang. Cucaah Hakha khuachung um mizapi nih a tanglei cachuah ning in nan kan zulh piak nak lai upatnak he kan in thanh hna.

1. Hmun le Vawlei Kong: CDF – Hakha Council nih, “1 February 2021, Min Aung Hlaing le a ralkap nih hramhram in uknak an lak hnu ah hmun le vawlei i cawk/zuarh lo ding,” in cathanh a rak chuah cia bantukin 1 February 2021 hnu ah hmun le vawlei i cawk/zuarh mi pohpoh cu dotla an si lo.

2. Dum/Lo Tuahnak Kong: Hakha khuachung siseh, a kiangkap siseh, dum le lo tuahnak hmun a tam. Dum le Lo a tuah mi nih mah le hmun ah i hak beh le i lak beh lo ding a si lai. Dohthlennak a dih tikah a herhning in zohfelnak tuah le rianṭuan a si ṭhan te lai.

3. Sianginn Kainak Kong: Dohthlen lio caan ah ralhrang uknak tang ah a um mi sianginn kai lo ding in cathanh rak chuah a si bantuk in ralhrang uknak tang a um mi sianginn ah sianginn a kai mi poh cu Hakha Circle Council zong nih a cohlang lo i dohthlennak a dih hnu zong ah pehzulh in hnon a si lai.

Mayor, Hakha Circle Council , Hakha, Chinland

Credit : HCJ