Doorstep Delivery of Ration in Delhi, Delhi acoyah nih mipi hna sin ah an umnak in ceu ah ration facang an pek cang lai,

15 Nov ah hin Supreme Court nih Delhi acoyah cu mipi hna cu an mah In ceu ah ration pek ding ah sianh piak asi cang, Aam Aadmi party AAP acoyah hruai mi, Arvind Kesriwal nih hmalaknak  scheme pakhat a tuah mi cu, Mukhyamantri Ghar Ghar Ration Yojna timi asi, mah scheme nih a tim mi cu mipi sin ah ration, an in (doorstep) bak ah phanter khi asi, nain mah scheme hi kalpi a asi hlan ah, Central acoyah nih an sianh piak lo kha asi, Centre acoyah nih an chim ning ah cun mipi sin an in bak ah ration pek an si ah cun, atu ah Public distribution system hman lio upadi kalh asi lai, PDS upadi hman lio bantuk cun mipi nih Fair price shop ah lak ding asi tiin achim.

Cu pin ah atu ah Central acoyah nih hma alak lio nak,  One Nation One Ration Card tiah, hmundang ah riantuan um mi maw, ithial mi maw hna caah san tlai ding le an umnak hmun kip ah card hmang in ration lak khawhnak upadi kalh asi fawn tiah an ti, atu bantuk in Central acoyah nih an sianh piak tilo ah cun, High Court lei ah appeal tuah arak si, Delhi acoyah nih cun atu lio can ah cun thil tampi, doorstep delivery system kalpi a si cang, mah caah cun mah scheme hi tlamtlingter asi ah cun,  mipi hna nih san an tlai pi ngai ko lai tiin an chim ve fawn khi asi, Bia tak tein an ruah cikcek hnu ah tukum March 22 ah khan Delhi High Court nih Kesriwal cu upadi hman lio buaiter lo ding doorstep delivery timi cu a sianh piak khi asi.

Nain Centre lei nih cun an pawm piak lo ngai ngai khi asi, Delhi acoyah nih hin hlawknak an ngei sual lai tiah an phang maw sihnga? High Court biachahnak cu Supreme Court lei ah an phanter than kha asi, Supereme Court nih cun bia tak tein an ruah hnu ah biachahnak cu arak ngeih khawh mi kha asi, High Court biachahnak cu kaltlangpi ding in sianh piak asi, mah scheme hi PDS upadi hman lio buar lo in, aduh mi poh sin long ah doorstep delivery cu pek ding in ati hna, A duh poh an titik ah duh lo cu an um lai lo tiah zumh asi.