Iang Len Sung nih Love (Dawtnak) kong a tialmi cu a Mak Kho Tak Tak

Iang len Sung nih a langhtermi cabia te cu a tha kho tak tak. Uar aum kho tak tak si. Hi ti hin a alanghter:-Keimah nakin santlai lo deuh he kaa tahchunh ahcun porhlawtnak in ka khat kho men! Cun keimah nakin a dirhmun sangmi le mi cungcuang he kaa tahchunh ahcun lungdonghnak in ka khat kho men! Cucaah midang he i tahchunh lengmang nakcun hlan lio i keimah he khan kaa tahchunh lengmang.

Cu ruangah zeitluk in dah Pathian nih a ka cawisaan i thluachuah a ka pek timi hi kaa fiang chinchin. Bawipa thluachuah a rel thiammi si na duh ahcun midang he cuai i thlai peng nakin hlan lio nangmah le a tu nangmah hi cuai i thlai deuh. Nun a nuamh ning le Bawipa nih zeitluk in dah an dawt hi na fiang chin ko lai. Source: Iang Len Sung

Relchap:-Nau pawi lioah tuah/Ei philh bak lo ding, tuah/Ei lo sual cun Naute thluak a chia kho 

Vawleicung Nu tam deuh nih an duh bikmi pakhat cu Hringtunu dirhmun i hei um ve khi asi kan ti ahcun kan palh tuk theng lai lo. Cheukhat nu nih cun nau pawi le ngeih hi an duh thenglo nain, hi bantuk nu hi cu vawleicung huap zong hin an tlawmte. A tam deuh nih cun pasal le fa lete he nuamtein hei um khi an duhbikmi le ruahchanmi asi ko. Nu cheukhat nih cun pasal ngeih duhtunglo, fa lawng ngei duh zong an um ve hawi. Zei si hmanh ah Na fa pawi lio mi kha a thluak tha seh tiah na duh ahcun Hringtu nu le nau pawi lio hna nih tuah bak ding le theih ding a um. cucu tuah hrim hrim zong a herh tak tak.

Nau pawi lio hi Nu hna ca ahcun a harbik caan asi bantukin an pasal lete zong nih zohkhenh thiam a tak tak a herh. Dawt an herh cingling asi caah pa pawl zong nih aipuang le thinhar lei lak piak loin tha te tuin kan zohkhenh ding an si. Naute thluak tha seh ti kan duh ah cun:

  • Na nupi kha lungrethei in naupawi lioah chiah baklo ding, buainak le harsatnak faktuk a ingtuar sualah cun nau te caah tihnung taktak a si. Na nupi kha ba tukin na chiah fawn lailo. Ba tukin an um sualah cun naute thluak a tha kholo tiah an chim fawn. mah lioah lungretheihnak le tha batnak faktuk tuarlomi nu cu naute a hrin tik zong an thluak a tha i, an fim deuh tiah langhter asi.
  • thlaihnah hringmi hi naupawi lioah cun tampi ei a tha. tha tein ngandamnak kan duh sicun thlaihnah hringmi tello cun a tlamtling kholo. cucaah naute thluak tha seh tiah an duhah cun thlaihnah hring tampi ei rak i zuam teh
  • Caw hnuk zong hi ngandamnak le hriselnak caah a tha tak tak mi asi. Caw hnuk nih hin calcium tampi a um, nu hna nih stress an ngeih mi zong a zawr ter khawh fawn. Cu caah nu hna nih nau an pawi lio hrim hrim ah Caew hnuk din tam pah ding. Caw hnuk tampi na din ah khan Naute thluak a that ter lai i, a ngandam fawn lai.
  • Vitamin C hi naupawi lio caah cun ei hrim hrim ding si fawn. Nau pawi liomi nu nih vitamin C a ei si cun a immune system a thawnter pinah stress a zawrter tiah an chim. cu nih cun naute thluak a thatter i, ngandamnak a chuahpi tiah an langhter.