Judge pawl nih Benjamin Sum comment an pek ning cu a taru ko. (Congrats) – Salai Kawltu

Judge pawl nih Benjamin Sum comment an pek ning cu a taru ko. (Congrats)

Tuzaan Benjamin Sum nih Rock hla a sakmi cu a tha kho tak tak. A mak kho tuk. Benjamin Sum hi a rak men hrim lo. Hlasak a thiam hrinhran ko. Kawlram pumpi hlasak zuamnak bak ah sang taktak ah a lut cang. Hmailei zong ah minthang pakhat ah aa chuah hrim lai ti ruahchannak tampi a um. Tuzaan a sakmi hla hrim hrim a tha kho tuk. Judge pawl comment pekmi zong a mak khotuk.

Judge pawl nih cun Ka fa pa Benjamin Sum a tha kho tuk. Nangmah ah hin hawi he aa lo lo in aa phundang tak takmi aw (unique) na ngei. Na aw hrim hrim a rak tha tuk. Cun na stage cawlcangh hrim hrim nih kan thinlung a kan tor ter.

Cun an peh rih mi cu ‘ Uar na um kho tuk, Singer pakhat nih hla  sak tikah aw that lawng hi a za lo, fak piin izuam a hau. Nangmah ah hin na aw that lawng siloin zuamnak nganpi na ngei tiah kan hmuh. A liamcia caan naa zuamnak ah mipi hmai zong ah na cawng deuh, asinain tutan na cawlcangh ning hi kha bantuk kha a um ti lo. A tha tuk. tiah comment an pek. Congratulation Benjamin Sum

Tutan top ten a tling cangmi hi a thiam bak mi lawng te an si. Hi hna lakah Benjamin Sum hi a thiam lei bak a si. Lunglawmhnak tampi a um. A thiam kho tak tak ti pin chim awk a um lo.

Naite tialmi hi van rel chap tuah.

Tulio Kawlram pumpi Myanmar Idol Banjamin Sum hi fans tampi le amah thazaang a petu an tam ngai ngai. Tu hi Chin mi chungin minung 3 bak top ten an phan kho. Benjamin Sum, Esther Dawt Chin Sung le Yaw Kee hna cu Top 10 ah an tling. Benjamin Sum le a fans pawl hmanthlak cheu khat kan van langhter lai. Benjamin Sum fans pawl hi Summer tiah ti an si. 

Benjamin Sum thazaang pek dingin aa zuamnak hmun bak ah Poster he an kal hnawh.

Thazaang i pek hi thil tha tukmi a si.

Benjamin Sum le a fans pawl hmanthlak a si.

 

Hi kong hi rel chap tuah.

Note: Video cu a tanglei bik ah a um lai.

US i khuasa kan lai nu nih hla thar dawh te a van sak than. A thiam kho tak tak. Elena hi a thei lo tu kan um men ti lai lo. Hlasak thiam tak takmi a si. Lai hla lawng siloin mirang hla zong mirang hlasakthiam bantuk in a thiammi a si. Tutan ah hla thar bak a van sak than. Hla lei watana mi pawl caah cun zoh bak ding a si. Video cu a tanglei bik ah aum lai. Zoh a nuam kho tak tak.

Elena hlasakmi melody timi hla nih Elena hi laimi lawng siloin mizo pawl tiang nih an uarmi nu ah aa cang. Mizo fans tampi zong neih hna. Tutan a hla thar cu a tanglei bik ah aum lai. A thiam law law khi si ko.

US Lai Hngakchia tete 3 hna an Fim kho tuk (Video) hi rel chap.

US ah hin Chinmi tampi an um. Chin mi upa chimning ah Chinmi ting 7 nak tlawm lo cu kan um lai tiah chim a si. Cu hna lakah mah holh Lai holh a thiam lomi tampi kan um cang. Cun Lai mi kan fale tampi mirang holh nih a tei (influence) tuk hna caah US fale lakah lai holh a holh kho bak lomi an tor cang. Tutan i kan van langhtermi hi zohchunawk tlak tak tak an si caah ka van langhter chinmi a si. Hibantuk fale kan ngei cio khawhnak hnga US nule pa van i zuam cio hna usih. Video a tanglei ah a um lai.

Naite khan The Hakha Post nih hi hngakchia hna hi tonbiaruahnak a ngeih hna i an mak kho tuk. US laimi fale lakah cun zohchunawktlak tak tak an si hrim hrim. US ram chuak fale bak si ko hmanh hna selaw an Lai holh hi Lai tlang i a chuakmi fale he idannak an ngei lem lai lo. Lai holh an thiam pin ah an bialeh ning hi an thiam kho tak tak.   

 

Video hi van zoh ko. Zoh a nuam kho tak tak. An fim tuk. Nu le pa tampi nih icawn cio hna u sih. Credit: The Hakha Post

A dang kong van rel chap.

Malaysia Um Laimi Nupa Thitumnak Kongah Keimah Tein Kalung Re A Thei

Malaysia lawng zong a si ti loh, Laimi hi kongah ah hin kan i ralrin ngai ngai a hau.

Malaysia ah aummi laimi nungak tlangval nih thitumnak kong he pehtlai in fak deuh in khua kan ruah a herh. Hlan deuh lio bantuk asi tilo fawite in nupi pasal kan ngeih lo dingah forh fial le thazaang pek kan duh hna.

Kamit nih a hmuhmi tampi an um cang. Cheukhat cu. UN card ngeih veve lo bakin aa thiummi an um. Khua caan a hung sau i nau an pawi nau ngeih ding an si. Atu lio sizung nau ngeih cu a tlawm bik. Rm 5000 ngeih hnuah. Ralrin in. Rm 2000 tal i chiah rih a hau cu lo ahcun nau ngeih khawh asi lo. Zeitluk in dah a har ti cu kanmah tein i ruat ko u sih.

Cheukhat cu 2013 hnu UN card a hmumi an si hna. Atu lio ah. Hi hna pawl caah. Bawmhnak aum lo. Ramthumnak kalding ah ruahchannak aum lo tluk a si. Hmailei belte ah zei a can lai cu theih asi lo. Hihi kan theiko bu ah. Kan i thit kan i um lengmangmi hi karuah lengmang tikah kan i palh deuh ko rua tiah ka ruah. Fianhnak i thi i um hlah u sih ti ka chim duhmi asi lo.Zeicahtiah kanmah le kanmah harsatnak i pek he ka lawhter.

Cun a hung um rihmi pakhat cu. Nau ngeihnak tangka harsat ruangah. Kan nupi le an pawpi he kan tluntermi hna hi. Laimi chungah an tam taktak cang. A cheu cu khuadang pipi aa thiummi an si bik cutikah a pasal nulepa panh loin hringtu nulepa a panh i Lailei chinchap liam le pal lungretheih kan phorh hna pinah aa then lanmi tampi kan um cang.

Atu lio te ah hin Nu sining law ramthumnak kal khoding dirhmun a si lomi cu ka vaa lai lo. Cun tlangval sining law ramthumnak kal khoding dirhmun a phan lomi Nu cu ka thi fawn lai lo. Ramthumnak kalding lawng thit vatding ti ka chim duhmi a si lo. Malaysia ram ah. Zeitlukin dah Card ngeih lo. Sizung um a har timi kha ka chim duhmi asi. Zeicahtiah kachim cang bang. Mah le mah lungretheih i pek le harsat i pek he aa lo ti chim nolh ka duh.

Hi ca a relmi Laimi tampi nun hrin a kanchimhtu ah cang seh law nulepa nun ko tungah fanu fapa hna ngaktah kan si termi hna ka ruah ah ka ngeih a chia i a ho palh zongah ka chia lo sinain fak deuh cun Nupi pasal kan ngeih lai ah. Khuaruat deuh ko usih ti hi ka saduhthah asi.

Credit: Lungrawnpar

Hi capar zong hi rak rel chap teh.

Ka Fa A Thluak Ttha Seh Ti A Duhmi Hna Nih Nuapawi Lio Ah Ei Dingmi

Vawlei cung minung nu le pa vialte hna nih kan hrinmi fa le an thluak tha hna seh ti cu ahopoah nih kan duh cio ko lai dah! Cu ruangah a thluak thami fa neih a duhmi nu le pa hna caah thawngttha.

Hlathlainak tuah tu hna nih nai te ah an hmuh tharmi thil pakhat cu nau a pawi liomi hna nih an hrin dingmi fale hna an thluak thatnak ding caah a bawmchan kho dingmi a si i, cu cu a harmi thil zong si loin ei ding phun te khi a si ko, mah ei dingmi hna hi nau na pawi lio i na ei piak khawh ah cun na fa cu a thluak tha deuh hrim hrim ko lai tiah an ti.

Zei dah kan ei dingmi cu a si lai le zei tin dah kan ei piak lai tiah cun, nau na pawi lio ah thingtei (Banhla, Apple, Hai le a dang dang) a tlawm bik nikhat ah pumruk in pum sarih kar na ei piak peng lai. Zei ruangah tiah cun mah ti na ei piaknak thawngin khan IQ normal nak in 6-7 tiang a saan ter khawh. Thingthei timi hi nau a pawi liomi hna caah cun an nau inn chung ummi naute caah a rak ttha tuk hringhran.

A tu bantuk in hlathlainak a tuah tu hna hi Alberta University in midim hna an si i hi an hmuhnak kong cu EbioMedicine timi journal zongah an thlah ve. Thingthei kan timi hi kan hrinmi fa le an tthan hnu, an thluak rian ttuannak le tthanchonak caah a rak biapi tukmi an si caah nau a pawi liomi nu nih cun tam piin ei piak ding bak si ko.

Hlathlainak a tuah tu mifim hna nih hin nau a pawi liomi nu hna hmangin hlathlainak an tuahmi si bantuk in nikhat ah thingthei pumruk in pum sarih a ei pengmi nih a hrinmi fa le a ei bak lomi fa le hna chungin kumkhat an tlin tik ah an thluak rian ttuannak lei zei tluk in dah a tthancho timi cu ttha tak tak in an tuah ve hna hnu ah an hmuh fian mi cu si.

Cu ruangah ka fa hi midang nak in a thluak ttha hrim hrim ve seh ti na duh bak ko ah cun na duh zong duh lo zongah nau na pawi lio ah thingthai tam piin ei piak khawh i zuam ve hraam ko. Fa na hrinmi cu nau a pawi lio ah thingthei a ei ve lomi nu nih nau a hrinmi fa le naak cun a thluak ttha deuh hrim hrim ko lai.

Elena nih Hla Thar Dawh tak tak a van Sak Than (Video)

Ali Gatie – It’s You Cover by Elena HT Par

Credit: Elena HT Par

Leave a Reply

Your email address will not be published. Required fields are marked *