Justin Bieber Nih A Tangka A Hman Ning Hi Tihnung Bak Si

Tuchan mino hlasak thiam i a lar cemmi hna lak i pakhat Justin Bieber cu kan thei cio hna. Naite zongah a nupi le selena kong e cu e kha e a tam tak tak. Justin Bieber hi hlasak thiam le a parh taktak mi asi ti lawngin mi tampi nih an theih theo tawn. Asinain amah a uar tu taktak nihcun thil ttha tampi a tuahmi an theih tuk. Asinain hi thil hi cu a uartu tampi zong nih an theih lo mi hna asi. $265 million bak a ngeimi Justin Bieber nihhin zeitindah a tangka a hman. Tihnung ngai le nahchuah ding bak in a hmang ve ko.

Private Jet

Minthang tampi cu anmah a uartu pawl um lo nak ah mah te i umkal hna an duh ve. Cucaah vanlawng i an zuan tikah Private jet bak in an zuang tawn. Justin Bieber zong nih private jet aa cit a tam taktak. Voikhat aa cit ahhin $1800 hna asi tawn i, a caan ahcun suimilam pakhat ah $900 hna asi tawn.

Inn man fak

Justin Bieber hi khualtlawn nuam a timi asi i, vawlei hmun kip ah khual a tlawng cang. Asinain umnak ding caah cun a mah ram Canada bak aa thim ve ko. Ontario, Canada amah khua le ram te ah inn man fak taktak mi a chuak. Justin Bieber nihhin $5 million bak in a cawk ve.

Tangka hlut

Midang cung i a tthatnak cu thuh khawh asi lo. Vawlei hmun kip a kal tikah mi sifak bawmhnak caah hin tangka tam taktak a hlut theo tawn. Justin Bieber hi nehsawh le nek cu a fawi taktak. Asinain hi bantuk thil a tuah tik ahhin cun huat awk a ttha lo.

Parties

A cunglei i kan chim bantukin a tangka hman nak cu a tam taktak tawn. Justin Bieber nih a huam taktak mi thil dang pakhat cu party hi asi. Party dingin club hna ah an kal tikah amah nih a hawile eidin vialte tangka hna a pek tawn.

I hamnak kutdonghrolh

Justin Bieber nih a hnakruh tlaumi Hailey Baldwin cu a hmuh i an i um. Hailey Baldwin cu Hailey Baldwin si ti loin Hailey Bieber asi ve cang. An i um hlanah an i ham ta. An i hamnak kutdonghrolh hi $150,000 in 200,000 hrawng bak asi.

Hi zong hi rel chap.

Justin Bieber Nungak Kawp Mi Pawl Vialte (An Tam Khawh Ning)

Vawleicung hlasakthiam minthang Justin Bieber cu 2008 kum khan minthan hram aa thok. Justin a min a van thang tak tak cu vawleicung minung lakah amah a thei lo tu hi an tlawm te ti a si. Hlasakthiam minthang a sibantuk Justin nih hin Hollywood minthang Nu tampi a rak  kawp. Hlasakthiam minthang hrat cu muidawh minthang nu tampi nih fawi tein Justin hi an uar. Hlasakthiam Selena Gomez tibantuk le model muidawh minthang dang tampi hna zong an i tel. Cu hna cu aho te dah an si ti zohfelnak kan ngei hna lai.

Justin nih a rak kawp balmi muidawh nu pawl cu a tanglei bantuk hi an si. 

Hailey Baldwin

Justin le Hailey Baldwin hi 2015-2016 kum khan a rak i kawp. Hailey Baldwin hi model muidawh, Hollywood minta fanu bak a si. Justin nih Hailey Baldwin a kawp lio hrawng hin Selena Gomez zong a kawp pah ti a si. 2017 kum dongh lei khan Justin le Selena hna karlak ah buainak a van i thok.Hi hnu hin 2018 June thla khan Justin le Hailey Baldwin hna hi fek deuh in ipehtlaihnak an ngei tthan. Kan hnu thla hmasa khan hamnak tiang an rak tuah cang. Justin nih nupi ding i a hammi nu hi Hailey Baldwin hi a si. Atu ah Justin le Hailey Baldwin hna cu thitumnak tuah dingin timhtuahnak tiang an ngei cang.

Baskin Champion

Justin le Selena Gomez an i tthen ka ah Justin nih Baskin Champion hi a rak kawp. Baskin Champion hi model muidawh bak asi. Justin he voi tam nawn hmuh a si.

Selena Gomez

Hi nu hi cu aho paoh nih Justin Bieber nungak a si ti cu kan theih dih ko lai. Justin le Selena Gomez hna hi 2011 kum khan an rak i kawp cang. Hi hna pahnih hi voi tampi Red Carpet le minthang pawl tonpumhnak ah hmuh an si tawn. Asinain 2012 kum khan caan zeimawzat chung an i tthen. 2014 kum khan an i kawp than. Voi tampi khual tiang an tlawng tti. Asinain tukum 2018 March thla khan biatak tein an i phiat. Justin nih Selena hna ipehtlaihnak hi a sau bik a si rih men lai.

Paola Paulin

Justin le Paola Paulin hi hmuh pah an si ve. October 2017 kum khan a Beverly Hill i pumhnak i an iton hnu ah zanriah (dinner) hna an ei ti. Justin le Paola Paulin zanriah an einak ah hin midang zoh le soisel zong tuak loin caan nuam an hmang ti a si.

Sofie Richie

August 2016 kum khan Justin nih Sofie Richie he an ipehtlaiihnak zapi theih dingin thawng a van thang tak tak. Hi nu hi hlan lio hlasakthiam minthang Lionel Richie fanu a si. Sofia Richie hi fashion Model bak a si ve.. Hi hna 2 hi voi tampi khual hna an tlawng tti. Japan le Mexico ram tiang khual an tlawng tti.  

Nicola Peltz

US weekly nih cun June 2016 kum khan Justin le Nicola Peltz cu Justin umnak inn Beverly Hill ah an it tti tiang thawng a rak thang.

Chantel Jeffries

Justin le Chantel Jeffries hna zong hi 2014 kum khan an rak i kawp pah cang. An thawngpang hi News tiang nih a rak langhter.

Kourtney Kardashian

News nih a langhter ning ah Justin le tawkttha Kim Kardashian unau nu Kourtney Kardashian hna cu 2015 December khan voi tampi night club pawl ah hmuh an si. Kourtney Kardashian le a tlangval pa Scott Disick an i tthen ka te a si bantuk December thla dihlak khan club phun phun ah Justin he caan an hmang tiah news nih a langhter.

Jayde Pierce

2015 May thla khan Justin le Jayde Pierce hna thawngpang a van leng. Hi hna 2 hna nih cun hawikom kan si tiah an i ti nain voitampi hmuh an si tiah news nih cun a langhter.

Adriana Lima

Justin le Adriana Lima hna cu May 2014 kum khan Cannes Flim Festival party dih ah caan nuam an hmangtti tiah thawng a rak thang. Asinain Adriana Lima Model zong a simi nih a dik lomi asi tiah a chim ve.

Barbara Palvin

Justin nih Babara  Palvin hi Victoria Secret Fashion Show 2012 kum khan Selena an i pehtlaih lio pi ah a rak ton cang. Hawikom lawng kan si ti a si ko nain an pahnih te lawng in hmuh an si. Selena tiang a thin a rak hung ngai. Asinain hawikom pin zeihmanh a um lo tiah an pahnih nih an ti ve. Asinain aho nih dah mah cu zum tak tak kho lai. 

 

Miranda Kerr

2012 kum thiam thiam Victor Secret Fashion Show lio ah Justin le Minranda Kerr hi cakuat thurhnawm tak tak mi pawl an rak i kua ti a si. Hi Show dih ah hin Justin he pehtlaihnak an tuah tiah chim a si. Hi lio hin Miranda Kerr nih pasal a ngeih lio pi a si.  kum 2 hnu ah an ithen.

Jessica Jerrell

Justin le Jessica Jerrell hna karlak ah thawngpang caan tawi te cu a rak um bal ve.

Caitlin Beadles

2009 kum khan Justin le Caitlin Beadles hna hi Ontario biakinin ah an rak itong. Justin hla Never Let You Go timi zong hi Nu ca i sakmi a si tiah thawngpang  tiang a um. Justin nih a kawpmi Nu pawl hi news pawl nih a langhtermi le caan khat lio i thawngpang a rak ummi pawl a si. Justin hi a Virgin na zum maw?hee

Tulio Justin nungak Hailey Baldwin. Hamnak tiang an tuah cang.

Source: US Magazines

Hi capar hi rel chap. A tha kho tuk.

Kawl nu Pawl Dawhnak Biathli te

Minung cu pa kan si maw nu kan si zongah, kan dih lak hin mui dawh a duhmi kan si i. Muidawh kan si khawh naak ding hnga thuh boih ttha ttha ka i thuh hna i. A tu i kan chim ding zong hi kawl nungak nih mui dawhnaak ca i an hman cem mi ‘Thanakha’ hi a si.

Thanakha hi thingkung hme te in lak a si i, Kawl nungak nih muidawh naak ca ding ah an hman mi a si i, ni linh lakah a huhphenh fawn hna i, kum 2,000 liam cia khan an rak hman cang mi a si i, a tu tiang in hman a si.

 Thanakha ah hin Vitamin-E a um i, nungak nih an i thuh tikah thli chia le bacteria le vun ro lakin a khamh hna i, Thanakha hman tawn mi hmai cu hmang lo mi hmai naak in a ceu deuh i, an hmai vun zong an i dawh deuh fawn. Thanakha hi nu lawng silo in pa zong nih an hman ve fawn i, vun dawh khawhnaak ding ca i hmang mi zong tam pi an um ve i, ni linn lak i huhphenh naak ding ca i hmang mi zong an um ve fawn.

 Khoi-ka hmun paoh ah si seh law mui dawh le mui ceu deuh a duhmi nih cun Thanakha hi kan ngeih cio awk a si ko. Vawlei cung a uktu sining te i ser mi a si caah a ttha company dang dang thuh boih naak in a ttha deuh ti si. Muidawh na duh ahcun hmang ve ko.

Leave a Reply

Your email address will not be published. Required fields are marked *