Kawl Ralkap bawi Fanu Lemcang Naychi Oo um zong kho ve ti lo. A Pale Tuahsernak a Doh Ve Cang

Kawl Ralkap bawi fanu Lemcang Naychi Oo um zong kho ve ti lo. A pale tuahsernak a doh ve cang. Uar um kho tak tak. Naychi Oo hi zahan ah mipi hmai bak ah a chuak ve cang. Tutan lawng siloin  naite tiang kan a facebook hmanthlak pawl zong ah a rak langhter cang.

A chimmi cu  Kei hi Ralkap chungkhar lei in a thanglianmi ka si.Asinain  tutan ah mipi duhnak le thimmi hlawt in Ralkap hramhram uknak i aa telmi vialte sual ka phawt hna. Mipi nih vote pekmi le dik tein 2020 election i teinak a hmumi  lawng ka cohlan lai.

Cozah rianttuan ka si lo nain cozah rianttuantu  hna siseh, civil service doctors, engineers, teachers le a dang dang vialte dai tein lungtlinlonak an langhtermi (Civil disobedience) hi thazaang ka pek. tiah a langhter.

Lampi a kalnak zong ah security tha tein pek a hau ve. Minthang an si pin ah Kawl Ralkap bawi fale an si caah pingpalo ton sual zong a fawi te lai. Cucaah heh tiah ven a si. 

Relchap:- Thawngtha tak tak si, Hakha Doctor le Nurse pawl nih mizaw zohnak hmun an ser cang 

Tuzan ah Hakha lei in thawngpang tha taktak mi kan theih. Hakha i a um mi hna nih theih dingah a biapi tukmi asi. Tha te in na kan rel piak nak lai kan in sawm hna. Dr Cungpi nih Hakha i a ummi vialte caah thawngthanhnak a tuah.THAWNGTHANHNAK:Ralkap nih rampi uknak hraamhraam an laak mi dohnak ah Hakha siizungpi siibawi le sayamah te zong zungkailo in Civil Disobedience Movement an thawk ve cang. Mizaw zawnruat in aleng ah a tanglei bantuk in mizaw zohnak kan tuah tthiamtthiam lai. A hmun: No. 207, Bogyoke Lam, Pyidawta Sang, Hakha (Maykhala Siikhan cungdot) Siibawite tthut caan: Zing 9:00 in zanlei 4:00 (Nikhatni in Ningani) Nikhatni, Nithumni, le Ningani ah OG, Medical, Surgical, le Child OPD siibawite an um lai. Nihnihni le Nilini ah Ortho, Eye, ENT, le Skin siibawite an um lai. Poipang emergency mizaw caah cun suimilum 24 chung rat khawh a si lai. Siibawite le sayamahte tangka pek a hau lai lo. Sii-ai, thi zohnak, zun zohnak, le Xray man lawng pek a si lai.Lawm um tuk hring hran. Mah bantukin Doctor hna nih mipi cungah zawn ruahnak an ngeihmi hi kan i lawm dih cio hna lai timi zumhnak ka ngei. Mipi le ram dawtnak thinlung a ngeimi cungah hin kan i lawm tuk. Bawipa tu nih thluachuahnak pe ko hna seh.Ref: Hakha Time