Kim Kardashian tthitum thuam (Wedding Dress) man Zat?



Tawktha Kim Kardashian tthitum thuam (Wedding Dress) man fah khawh ning hi. Hi tluk lawmmam tthitum thuam hi a herh hme maw. Mi tampi nih hi zat zat a tthitum thuam cawk nak cun mi sifak bawm hna se law a tha deuh lai tiah a ruattu zong tampi an um. Asinain Kim Kardashian hi vawleicung minthang a si ve bantuk in thil ti khawhnak langhter an duh ca a si ve ko. Kim Kardashian tthitum thuam (Wedding Dress) man kan chim hlan ah hi nu kong hi tlawmpal te kan van langhter ta lai.

Kim Kardashian a pa Robert Kardashian hi LA lawyer minthang pakhat a rak si hrim hrim. Kim hi khuasa kho chungkhar le mirum chungkhar in a thanglian mi a si. Kum 14 a birthday lawmhnak hmanh Mihael Jackson’s Neverland Ranch ah an rak tuah. A sianginn kai ttimi hna ah lakah Paris Hilton hna an rak i tel. Kim Kardashian hi muidawh tuk cu a si lo nain hmanthlak ah umtu a thiam (Photogenic) tak tak mi a si. A taw ttawk a tthat ning hi nu tampi nih an uar tak tak. Amah nawl lawng te vawlei cung nu tampi nih  an cawng ko. A tawk bantuk ngeih duh ah model hna lak zong ah si aa chunmi hi an tlawm ti lo. Angki aa hruk tawnmi zong aa tlak tawn ngai ngai. I ttamh a thiam ngai.

A min thannak tak tak aa thok cu 2007 kum kha a si. Hi kum ah hin a tlangval pa (minak pa) Ray J he seex an tuahnak video cu a zut (leak). Hi seex video a zutmi (leak) kong hi vawleicung a cul. Hi a tlangval pa hi rapper Snoop Dogg cousin a si. A tlangval pa zoh ahcun a paam tak tak an ti cio mi a si. Minthan duh ahcun nupasinak tuah hi zei ah a rel lo, a hor tuk tiah a kong hi an ceih.  Atu ahcun Reality Show tampi ah aa tel cang i, movie zong aa zaihmi a tam ngai cang. Music video aa tel nak zong a tam cang. Laksawng (award) chim cawk lo a hmuh ve cang.

2014 May 24 khan Kim Kardashian le a tlangval Kanye West hna cu thitumnak an tuah. Hi thitumnak i aa hrukmi thitumthuam hi a man a fak tak tak. Thil puan le fashion thilri a sertu French Company minthang Givenchy nih a sermi a si. Kim Kardashian nih Kanye West he an i thitum lio i aa hrukmi hi tu tiang thitum thuam ah man fak bik a si tiah ti a si. A man cu $ 400,000 bak a si. Hi zat zat man cu a dawh zong aa dawh tak tak ve.

Source: Daily Mail & Wiki



Be the first to comment

Leave a Reply

Your email address will not be published.


*