Mipa sawmthum leng pasal caah angeih ko cang nain angeih fuh kho bak lo khi asi hursual nak chung in in chanchuah nak lam cu,

Kum 2 asi lio hrawng in a nun tongchiat pia kasi, faktuk in sual hriamhma tuar in le hursualnak nih a nenh tuk cang hnu ah, nun sersiam tharnak le chanhchuah nak arak cang ning, lam chuk cho an tlawngnak vawlei cu a rapthlak in lungchiat lo awk tha lo khi asi, Thil mak tuk mi cu mah nute vanchiatnak khur chung in, chanhchuahnak herh tuk mi le a nunnak mah tluk harsatnak karlak ah a um lio cu, an luat khawhnak ding ah Pathian riantuantu speaker biachim thiam phun dang ngai mi sin ah cun, Pathian sin in cak/thawnnak hal in chanhchuah ter ding ah, sawm piak in kalter a si.

Sihmanselaw cu speaker cu chanhchuah her mi thiamthiam arak si, Nu pa nun hmannak lei ah lungput ngei sangtuk mi khi arak si rua? Cinghnia nih Tufa phaw aih bantuk arak si fawn, mah speaker duplicate nih cun zangfaktuk asi mi Nu cu, hliamhma chapchihtu arak si than hawi tik ah, chanhchuahtu si lo in hliamhma chapchihtu deuh deuh khi asi, Mah Nu chanhchuah timtu bawmtu ah an ruah mi cu fiang ngai in tlamtling lo/hlawhcham arak si, Cu Nu nun beidong tuk khi asi cang pin ah, thi lak in hri awh duhnak lungthin angei cang, mipa ahmuh mi poh cu atih tuk nak ah ather tawn pin ah mipa hrimhrim cung ah zumnak hmete hmanh angei ti lo, nain a nun phung adik ti lo caah mipa lo in a um kho fawn ti lo bantuk khin afawinak in, hursual nak nih anun control tlat khi asi fawn, amah duhna lo in hramhram in nupa nun sualnak khur ah luhpi tawn cang mi asi ruang ah mah cu avanchiatnak cu asi.

Alung chung ah hursualnak cu thlah aduhtuk ko, anengtuk vet awn ko, Sihmanselaw aruah bantuk in thil akal tawn lo aruah lo pin ah acung ah thil cang mi long nih aden tawn ko khi asi, aduhna lo in thil zei poh khi acaah cun tuarnak long long khi acung ah atlung/phan khi asi fawn, Jesuh khamhnak lei pan in arak zuam vet awn nain bawmtu counselling tel lo in khamhnak cu fawite in angah tak tak fawn lo, Pathian sin ah beiseinak angeih mi cu beidong chinchin/beidongnak azual deuh deuh long khi angah tawk khi asi, nain Pathian lo cu nun chanchuak tu ding ah beiseinak dang a ngei fawn lo, khamhnak camping ah vawi tampi akal, Pathian sin ah nun khamhnak hmuh duh in, Bible biakam thar zong areltuk nak ah arel zat zong thei khawh tilo tluk in a rel tam khi asi, nain vanchiatnak cu aning tein atuar pengrih khi asi.

Phone video sex chat tiang in mipa sual deuh deuh hna nih, duhnak ngah ding long long ah hman khi asi fawn, Damnak le chanchuahnak cang ve ding in Jesuh beisei in, a pan/kalnak lam ah hin bumtu/thlentu thlennak le a nun hursual tertu khi asi peng fawn, tap le lung rethei in Jesuh hi a au tawn, “Zei ruang adah Jesuh naka kal tak naka chanchuak lo” um ngaihnak zong ka thei ti lo, damnak chan zong ka ngei ti lo, nakan chanchuak duh lo maw sihnga?? tiin tap bak in thla acam tawn, nain minung lei zuamnak phun tling ahman hnu zong ah, nun chanchuaktu si lo in a nun ah riantuantu sual nih cun sualnak lei le hursualnak lam ah thiamthiam a hruai fawn nun beidong taktak khi asi,atuarnak azual chinchin.

Kal tak nak, hmuhsitnak phunphun tuar, mah le mah fih nung asi, thih long aduh cang a tih fawn, hmailei karthlang ding ah lung rethei, anun ah thil um tlat mi hursualnak in aluat khawh fawn lo, lam zawh ding thei ti lo asi lio ah, Zan a mang ah Jesuh nih arak chawnh cang, “Ka fanu, zeidah kan tuah piak lai?” a ti, Cu Nu nih cun “Jesuh, ka nun rethei nak chung in rak ka chanchuak ko” rak kan bawm ko, ka tuar kho ti lo, tiin a leh, Jesuh nih cun, hmun sang bik ah kan chiah ko cang, a can te ah na cang te lai!! tiin Jesuh cu atlau daih khi asi, A mah chawnhtu Jesuh atlau daih cu, mang bang in sianh lo bu in azoh lio ah hin, van cung lei in mari bantuk asi mi Nu mui dawh ngai mi le dinfelnak ngeituk mi muisam keng mi nih “Ni pah bu in” Kei mah bantuk in Nu santlai mi na site lai! tiin a chim piak, mah Pathian iphuan nak a cang hnu ah cun, zeimaw can cu hnangamnak le thadamnak arak hmu kha asi.

Mah hnu ah cun Pathian riantuannak beisei in cak lo ngai in, kar arak thlang ve khi asi, a lungput hna cu theih lo kar ah adang ve deuh deuh khi arak si ve, Jesuh thisen in cawk mi asi cangnak atak in acing ve khi siin atheih ve cang, hursualnak ruang ah buainak hna nih akal tak ve deuh khi asi ve cang fawn, Zan mang ah Jesuh nih achawnh ah khan Bible ah tial mi kan hmuh bantuk in, Van khuapi aw thawng, Faktuk in lirnghinh, kawlphe le tek tla rapthlak ngai mi hna, fakpi in muinak le Rilipi ti vawrh sang awthang hna arak phan, ahnu ah zei poh daidep dih asi hnu ah cun, Amah Jesuh bak nih cun daite in le aw nem tein arak chawnh cang mi kha asi.

Mah can vialte chung ah a nunnak nih lam chuk cho ah harsatnak phunkip arak ton mi nih hin, Jesuh nih minung vialte hna cu vawlei sualnak phun kip chung in kan luat khawhnak ding ah, fakpi in anun nak nih thih deng mang tiang arak tuar hnu ah, zungzal in zungzal tiang sualnak khur chung ah lut khawh ti lo ding in, Pathian nih Van cung ah khawkhan lairelnak an ngeih hnu ah, vawlei ah a um mi amah mui he ilo bak in akan sersiam, nang le kei hursualnak khurpi chung in akan luattertu, Jesuh nih nang le kei kan tuar ai-ah akan tuar piaknak nun hmuhsaknak biathli athup mi dongh lo tein nun hnangam nak le dinfelnak kan cang mi hi zeitluk in dah asung lawi timi hi philh lonak ding ah kavan tar duh mi asi. Careltu nan dih lak cung ah Bawipa thluachuahnak tlung hram koseh, Khamhnak hi Pathian ta asi, Amen.