Mirum Pa Jack Ma a Tlau. Tuluk Lunghrinh Fak Tuk in Lunghrinh a Si

Chinese mirumbik cungah hin zeithil ko dah cang hnga timi cu tulio Chinese media hna nih an ceih cemmi pakhat asi. Businessman minthang le motivational speaker Jack Ma cu thla hnih chung bak mipi hmuh awk ah a mui a langhter tilo. Minung tampi an lunghring ngai cang. zeicatiah tulio hi Jack Ma company Ant Group le Taluk cozah karlak ah buainak a chuah cuahmah lio asi. Alibaba company lianngan dirhtu hi Africa’s business heroes timi talent show dawnghnak zanah judge ding asi nain a kal fawnlo.

Mah zuamnak ah teitu sinak cotu nih cun $1.5 million a hlawh lai. A mah aiawh ah midang a kalter hna. Mah kong he pehtlaiin Alibaba company biaphuangtu nih cun “Jack Ma nih caan a ngeih ning a suk khah caah a kal kholo” tiah fianternak an tuah ve. Kan theih cio bantukin Jack Ma company “Ant Group” cu Taluk Cozah nih hlatthlainak an tuah cuahmah lio asi. Oct 24 ah khan Shanghai khuapi ah fak tak tak in China cozah nih phunglam aser mi a sawisel. Bank pawl caah zulhphung an sermi hna cu “Old People Club” tiah sawi hna. “Tuni ah Taluk nih  financial system kan ngeimi pawl hi industrial age in kan hman le zulhpeng mi asi, Generation thar le mino hna caah a thar in kan then a hau cang” tiah a chim fawn. Kan hnu zarh ah khan China’s security watchdog sinin Green light an hmuh cia mi Ant Group IPO(initial public offering) zong suspend piak an si. Hi kong he pehtlaiin Shanghai Stock exchange nih cun ” Ant group nih hin financial technology regulatory environment thlen an duh ruangah bia ceihding a um” tiah an rak chim ve. Forbes nih a langhter ningah Jackma foundation nih cun bawmhnak $ 300 million a pek cang tiah an langhter. Credit: businessinsider.