Muidawh Trump fanu Ivanka hi Uar a Rak Um Kho Tuk

Thimnak ruangah hi tluk in an buai cuahmah lio pi ah Donald Trump fanu upa bik asi mi le advisor zong asi mi Ivanka Trump (39) cu mi harsa chungkhar hna caah thluachuah phurtu si dingin a can le a neihchiah hna cu a phawtzamh thluahmah hna.Ivanka nih hin cawn nihnih ni khan Miami, Florida ah a ralai mi holiday chirhchan in a harsa mi chungkhar hna sinah ei ding a phawtzamh hna i a buai ngai ngai ve.

Trump fanu Ivanka hi cu a rak za ve hrimhrim ko, midang nih an uar i an tlaihchan khawh nak dingah amah hrimhrim hi umtu cawlcangh a thiam tuk hlei ah a pa hi cawisang in a thilti mi ah a dirkamh peng khawh fawn.Eidin a phawtzamhnak ah hin dollar 79 man polka-dot Zara sun dress dawh taktak in aihruk. An mah lei ah a ttang mi supporter hna he tiin Selfie nak can hna an hmangti hna. Mah lawng silo in cutluk in a buai cuahmah lio zongah cun a pa Trump he hin phone in an i chawn pah peng i thil dangdang hna zong an i chim pah lengmang fawn.

Report nih a tarlangh ning ahcun Ivanka te chungkhar hi Sunshine State ah hin um an i tim i, a vapa Jared Kushner 39 he naite ah khan Miami’s Billionaire Bunker ah dollar 31 million plot of land an cawk. Miami ah hin hmunhma khuar i timh dawh ngai in an lang.