Nai Te Khan Nau Aa Rawk, Tutan Ah Mah Thil Hi An Cung Ah A Cang Than Hoi.

Tu lio Bethsy te nupa nih an ton mi cu a fak taktak ko. Nai te ah khan kan theih cio cang bantuk in Bethsy nih nau thla3 mi cu aa rawk i, tutan ah a pi nih a thih taak tthan hoi hna. Bethsy le a pasal cu Pathian rianttuan dingin an umnak Lunglei an chuah taak. Asinain thenzawl an phan deng cang tiah a pi K.Nothanzuali w/o Upa C.Chalhlira, Salem Veng Lunglei cu a thi tiah thawng an van thanh hi a si. A poi tuk hring hran ko. Bawipa tu nih hnem hram ko hna seh.

 

( Mah Capar hi van rel chap ) Hlasakthiam Bethsy nih harnak fak taktak mi a ton hnu ah a ca thlah mi cu a mak ko, uar um kho taktak. Harnak a ton lio zong ah hi bantuk lungput a ngei kho mi hi uar lo awk hrim a ttha bak ko. Kan theih cio cang bantuk in nai te khan Bethsy nih nau thla 3 mi cu vanchia ngaingai in aa chiat. Asinain vui vainak pakhat hmanh a ngei lo, vuivai cu chim lo Pathian sinah lawmhbi a chim leh lam. Cu lawng siloin an pa he an hmanthlak thar a van thlah mi ah mah ti hin ca a van thlah, “Tunah chuan Ka pasal rawngbawlna zâwka pui thei tura Pathianin damna min pe leh hun tha min siamsak hi ka tân ava hlu tak em!💕. “Tu tân danga Nung tawh lovin, AMA Rawng chauh bawlin”” tiah a pasal pawng i Pathian rianttuan tthan kho ding i Bawipa nih a nunnak a zuah caah aa lawmhbia a chim. Uar um kho taktak.

(Nau aa chiat nak kong hi van rel chap) Hlasakthiam kan uar ngaingai mi Bethsy Lalrinsang nih nau/bawhte thla3 hrawng a pawi mi cu vanchia ngaingai in aa chiat. Hi kong hi a mah te nih online ah a chim mi a si caah ka van thlah nak a ruang cu asi. Biahalnak a lehnak hna ah nizan khan nau/bawhte aa chiat bia hi a chim. Zaangfak ngaingai khi a si bak ko. Asinain Pathian rianttuan tu a si nak a langhter ttheu i vui vai nak pakhat hmanh a ngei lo. Bawipa nih rem a ti rih loh i siko, kan caah a ttha dingin khua a khan tawn i, Pathian nih rem a ti tik ah bawhte/nau cu kan ngeih ve te ko lai tiah a chim.

Mah ti hin Bethsy nih mipi biahalnak cu a leh hna . Question : Na pasal he nan hmanthlak thar cem mi rak post law, cun bawhte a um cang maw ? nau na pawi cang maw ?. Answer : Hmanthlak thar cem mi thla ding hmanh in caan a um loh. Pathian rianttuan in a chuak peng i, inn zong ah a um manh bak lo. Cun bawhte hi thla 3 le tlawmpal hrawng cu Bawipa nih ka sin ah a chiah ko i, asinain a tu ahcun aa ka lak piak tthan cang. Nawl hi kan ngei lo tuk i tiah a chim.

Mipi lei in cheukhat nih Bawhte cu a poi taktak si. Bawipa nih rem a ti tik ah duhnung taktak mi na ngeih hrim hrim lai tiah thazaang an pek nak cu. Si, Bawipa nih khua a khan sual bal loh i, kan caah a tthatnak bik in khua aa kan khan piak tawn tiah a leh fawn hna.

Nan pa hi Evangelist a si i, Pathian rianttuan in hmun dang dang ah a chuak peng lai ka zumh. Hi kong hi zeidah na ruahning asi tiah bia an halnak cu mah ti hin a leh hna . Bawipa nih hi bantuk in ka pasal A rianttuan dingin a hman duh peng mi hi kaa lawm taktak, ka lungthin hi aa lawm ngaingai. Kei zong hi ka nungak lio bantuk in Pathian rianttuan in hmun dang dang ah kal kho ti lo hmanh u sih law, ka pasal nih Bawipa rian a ttuan mi cu keimah ttuan mi zong a si ve. Mah cacun ka upat taktak i full support ka pek tiah a chim.

A tu lio hrawng hi hla thar ding na ngei maw ? tiah bia an hal nak cu mah ti hin a leh hna. A tu lio hrawng i chuak ding cu ka ngei ti rih lo. Nai te ah khan “Nitin Hian” timi hla cu ka youtube channel ah ka chuah khawh bak asi tiah a leh.

Biahalnak tampi mipi nih an tuah i, ttha tein Bethsy nih a leh dih hna. Uar um kho taktak. Nau aa chiat mi belte a poi taktak. Bawipa nih umpi sehlaw Bawhte duhnung taktak mi a ngeih khawh tthan nak hnga Bawipa nih a lam hruai peng ko seh. Kan tuarpi tuk hring hran ko.

A hmanthlak dawh taktak mi pawl hi van zoh chih ta rih.

Hlasakthiam Bethsy Lalrinsangi hmanthlak pawl thar cu aa dawh kho taktak, hmuh nuam kho tuk. Bethsy Lalrinsangi hmanthlak zoh ahcun pasal a ngei mi hmanh a lo bak loh, a nungak lio kha a lo kho tuk. Pasal a neih cang hnu zong ah a nungak chin lengmang ko, hmuh a nuam kho taktak.

Bethsy te nupa hi an i neih nak zong a sau tuk rih loh i, sinain i din manh lo in Pathian rian ttuan tu an si caah hmun dang dang ah Pathian rian ttuan in an chuak lengmang. A tu lio hrawng hi a hmanthlak thar kan hmuh lo nak a sau pah cang i tutan ah a hmanthlak thar dawh taktak mi aa kan dangh tthan hoi cang i hmuh a nuam kho taktak, aa dawh tuk fawn. 

Bethsy te nupa hi upat awk tlakmi le zumh awk tlak ngaingai mi an si i, mah cu cu an nun ah an langhter lengmang. Pathian rian ttuan tu zumh awk tlak mi le Pathian aa bochan ngaingai mi an si caah upat zawk zong an si ve, Bawipa rian ttuan tu hi thazang kan pek awk zong an si ve fawn. Bawipa nih an lam hruai hna sehlaw thluachuah za he um pi peng ko hna seh.

Bethsy te nupa zong hi Pathian nih a hruai hna ning tein hmun dang dang ah Pathian rianttuan in an kal tawn . A mah kan Pathian cu zeizong vialte ah an zumh tawn caah Pathian nih an harsatnak le buainak tete hna lak ah a khamh tawn hna.

Bethsy hmanthlak thar pawl kan van dangh hna. Rak zoh ve cio u, hmuh an nuam kho taktak. Aa dawh pinnah hmuh a nuam taktak.

 

Photo Credit : Bethsy

Leave a Reply

Your email address will not be published. Required fields are marked *