Nan Thlacam Pi Nak Thawngin Van Lal Sailo Cu Hostpital In A Chuak Cang.

Hlasakthiam Van Lal Sailo cu siizung in a chuak cang. Kan lawmhpi tuk hring hran. Pathian rianttu a si caah Pathian nih harnak a ton hi a siang bak lo. Bawipa nih ngandamnak pe zungzal ko seh. Kawn Lawmhpi tuk hring hran. Van Lal Sailo nih siizung in a chuah nak kong mah ti hin a chim, “In lama in enkawl tur in ka chhuak ve leh ta e..in mi tawngtaipuina ah ka lawm takzet e..Natna em em nei lem lo ka ni bawk a ka ban pawh a tet phah lem love ehemm” tiah inn lei ah i zohkhenh ding in chuah ka si tiah capo pah in lung nuam tein a chim hi a si. A tanglei ah siizung a umnak kong a rel rihlo mi caah rel khawh a si lai.

Laimi nih kan uar ngaingai mi hlasakthiam Vanlalsailo cu a ngan damlo pah ngai caah LRM siizung ah sibawi te nih an admit. Asinain Vanlalsailo nih zei bantuk zawtnak ruang ah dah siizung ahcun admit a si timi a langhter lo. Vanlalsailo hi Lai hla sak zong thiam taktak mi a si caah kan thlacam piaknak a herh ve. Lai hla zong voi tampi dawh taktak in aa kan sak piaktu a si.

Hlasakthiam Van Lal Sailo nih mah ti hin a zawtnak kong le siizung admit a si nak kong Mizo holh in a chim, “Damdawiina awm hun lo tak a ni..Damdawiina awm tur hriatpuina lak a lehkha lak a ngai. In kan theih bawk siloh😢🥴.riahpui tu tur chhuah theihna permit ngai,😢he hripui zet chu ava inrawlh kim ve aww😀#LRM HOSPITAL..cabin 402..Pray For Me” tiah LRM Hospital Cabin 402 i admit a si nak kong le thlacampiak a herhnak kong a chim.

Vanlalsailo biachim mi rel tik ah Covid 19 lio i zawt cu a buai kho taktak. Cu lawng siloin a tu lio a zaw mi paoh cu Covid 19 a si sual lai tiah an lunghrinh dih hna. Mah cacun mipi an i ralring taktak. A tu lio zawtfah cu lungthin aa nuam kho bak lo. Mah cacun Hlasakthiam Vanlalsailo hi thlacam in bawm cio hna usih tiah kan i sawm hna.

Note : Hlasakthiam Vanlalsailo cu Siizung admit a si bu zongin a table ah Bible aa chiah i, Bible rel le Pathian sinah thlacam nak he caan a hmang tawn. Uar um law law khi si.

Photo Credit : Vanlalsailova