Nilen Hmanthlak Thar te cu Dawh Kho tak Si

Kan Lainu hlasakthiam ngaingai simi Nilen Parmawi le kawl pa cu an i rem kho taktak. A tu hi Music video thar Nilen nih aa kan tuah piak cuahmah lio a si tiah thawng kan theih. A ruah hlan ah a chuak zau lai. Kan hnu deuh zong ah music video thar dawh taktak mi aa kan chuah piak cang. Tutan zong a chuah lai ngeih a um tuk hring hran.

Nilen Parmawi le Kawl pa an hmanthlak kan van thlah mi pawl hi Nilen Hla thar ca i music video an tuah lio si dawh a si. An i rem kho taktak. Aa uar mi zong an lo pah ngai. Music Video thar cu zoh lai nan i ngeih cio lai kan zumh.

Nilen dawh khawh ning cu a mak bak ko. Zoh an nuam kho taktak si. An i rem law law. Tluan te i an music video thar an lim khawhnak hnga Bawipa nih umpi ko hna seh.

Photo Credit : Myanmar Celebrity

Relchap: President Hlun, Donald Trump Impeachment: President hlun, Donald Trum cu Capitol Hill buainak ruangah House nih impeachment an tuah I, a sual tiah bia an chah. Mah bia an chahmi cu Senate nih tazacuai ding a si. Hmaizarh cacawn nikhat ni January 25 ah khin House Speaker Nancy Pelosi nih Senate Majority leader Chuck Shumer sin ah Article of Impeachment cu a pek lai I, tazacuai an thawk cang lai. Senate Democrats hruaitu Schumer nih a chimnak ah Republican hruaitu hna he free and fair tein tazacuai tuah khawhnak dingah biaruahnak kan ngei cang. Tazacuainak kan tuah lai, senate nih a sual le sual lo biachahnak an ngei lai” tiah tuchun ah a chim. President hlun Donald Trump taza an cuainak cu “ The Article of Impeachment for Incitement of Insurrection ti a si. Capitol Hill buainak ah a chunglei in a cawlcangtu le a bawmtu hna a si tiah an puh. Senate ah Impeachment a tuahtu ding hna cu House I democrats palai hna a simi, Jamie Raskin, Joaguin Castro, Eric Swawell, Ted Lieu le Diana DeGette hna an si lai. President Trump caah sihni a tuantu ding hna cu, South Carolina I a ummi, Law Firm, Butch Bowers pawl an si lai. Mah hna hi minthang ngaingai mi law firm an si. South Carolina Gov. Henry McMaster le Gov.hlun, Nikki Haley ca zongah sihni a rak tuan balmi an si.  Presidnet hlun Trump tazacuainak cu US Supreme Court hruainak in tuah a si lai. House in impeachment an tuahtu hna nih managers an tuah lai I, Donald Trump an sualnak kong telhte he an chuahpi dih hnu ah Trump sihni hna nih a sual lonak an chim ve lai. Mah hnu ah Senate ah debate an tuah than lai I, a donghnak ah a sual le sual lo Senator minung 100 nih vote thlak a si lai. Senator dihlak cheuthum cheu hnih hnatlaknak lawng in sual phawt khawh a si. Sual a phawt hmanh ah thongthlak a um lo, President hlun hna nih an ngah dingmi covo le benefits pawltu cu a ngah ti lai lo. Senator minung 67 nih a sual tiah vote an tlak ahcun Donald Trump cu sual ah chiah a si te lai. Asinain Senate ah hin Democrats le Republican senator 50 veve an um. Cucaah Republican senator minung 17 nih Democrats lei ah an ttan a hau. Republican Senator minung 17 nih Donald Trump an kal taak ding hi cu a si kho lomi a si caah Democrats pawl nih Trump taza an cuaimi hi an hlawhtlin lai ka zum lo. Credit : Salai Lairamthang.