Parliament meeting ngeihnak ah Raya Sabha MP Pu K. Vanlalvena nih Mizoram ah Myanmar ralzam kong cu a au chuahpi bak ko lawmhpi phu bak khi asi,

India ram khawkhan lairelnak sang bik Parliament meeting New Delhi-ah ngeih lio Rajya Sabha MP Pu K.Vanlalvena nih cun Myanmar Refugee kong ah a au chuahpi ve bak ko lawm um tuk khi asi, Myanmar ralkap hna nih mipi hna nawlngeihnak an alak piak ruang ah, Myanmar ralzam minung 15,000 leng hrawng Mizoram ah an um lio asinak kong cu, Pu Vena nih cun Parliament House a chim hna khi asi, mah ralzam hna hi Mizoram hmun dang dang ah um in, cheu khat hna cu chungkhar hna sin ah um mi asi, tampi hna cu Mizoram acoyah le NGO tangti in an umnak ca ding ah Refugee Camp cu khua 15 hrawng ah ansak piak mi ah an um hna tiah chim fiannak angei.

Pu K. Vanlalvena nih Myanmar in ralzam hna hi Mizoram acoyah, tlawmngai pawl hna, Khrihfa hna, political party le pumpak kip hna nih dawt ngai ngai in, an zoh khenh lio asi pin ah, an herh mi tete Medicine, ti, hni puan, umnak In, Ngakchia school kalnak tiang in Central acoyah bawmnak tel lo in COVID-19 hrik zawtnak karlak ah, Mizoram nih kan pek mi asi tiah meeting nak ah chim fiannak angei fawn, India ram cu Refugee hna bawmnak kong ah biakamnak angeih ve lo hmanh ah, Vawlei cung ah democracy ram lian bik kan sir uang ah kan pawngkam ram ah Democracy duhtu hna hi bawm hi kan rian hmasa bik asi tiin, Pu K.Vanlalvena nih a chim chih fawn khi asi, mi raltha le Myanmar ram buainak ruang ah Ralzam mi kong ah fakpi in a au chuahpi tu zong arak si.

Mizo Press Releases, Chief Minister nih Mizoram ah Myanmar ralzam hna caah azuam peng ko lai tiah a chim, Chief Minister Pu Zoramthanga nih CM Conference Hall-ah Myanmar ram ah mipi thim hruaitu rual hna, Mizoram ah um lio hna he itonnak ngeih in, Ralzam hna caah Mizoram nih asi khawh chung in zuam peng asi tiah a chim, Chief Minister nih Myanmar rambuai ruang ah mipi nih harsatnak faktuk in angei tiin a chim, himnak kawl in ram dang ah a kal mi chung in a cheu India ram ah arak lut mi hna cu, Mizoram nih bawm ding in hma alak cuahmah lio kong a chim, India acoyah sin zong ah vawi tampi ka chim cang ati, Prime Minister le Home Minister sin zong ah ka chim cang ati.

Chief Minister nih democracy hi Myanmar ah dirthan khawh asi lai tiah azum kong a chim, Chief Minister nih Unau kan sinak fekter le tha an ngeih deuhdeuh khawhnak hnga Mizoram mipi le Myanmar unau hna cu asi khawh tawk in zuam ceu peng ding ah sawm in anawl hna, Myanmar MP than nih Mizoram nih tha tein anrak dawn mi cung ah an lawm bia le mipi bawmnak kong zong ah Mizoram mipi cung ah lawmnak bia an chim, Mizoram acoyah, NGO’s hna le Biaknak lei vialte hna cawlcangnak cung ah lawmnak bia an chim ve, pin ah akan zohkhennak hi a ropi tuk hringhran ko tiah an ti, Harsatnak dang dang an ngei mi ah Chief Minister sin ah an chim piak ve fawn, Mizoram State Planning Board Vice-chairman Pu H. Rammawi le OSD to CM Pu Rosangzuala hna hi meeting-ah hin an tel ve fawn.

Written by: Emily Lalrinpuii, MIS, PIO to Chief Minister Dated: 13th Dec 21 4:59 PM