Pathian thluachuah kan ngah chung in Phone hi minung ahrawhtu le a nung mi Pathian hnulei kir taknak tih anung bik mi asi cang, Nu le Pa mawh asi maw?

Bible rel, hnahnawhnak um lo nak ah thlacam, Pathian thangthat ding ah can ngei lo, Pathian bia ngai duh lonak chuahtertu, Pathian nih Vancung in akan zoh peng ko cang, Pathian nak in mikip nih hin Number One/N0-1 ah kan ngeih/chiah mi cu Mobile Phone bak asi cang ko, Bible kan rel duh ti lo, Biak in pumkhawmnak can kan ngei tilo, Crusade hna ah kal kan duh ti lo, thawngtha bia nak in Phone zoh kan duh deuh tawn, mah kong ah hin Nu le Pa mawhphurnak asi khawh tiah nan ruah bal maw? Asi lo ah an mah asi tiin maw kan ruah? Kan chungkhar dih lak nih vun hlatthlai tuah ko u U le Nau kan vawlei can hi kum 2-3 asi deng mang cang abuai peng ko cang timi hi Bible nih akan chim ning bak asi ko cang?

2 Samuel 12:7 Cuticun Nathana nih cun Davida sin ah, “Nangmah hi nasi ko, Bawipa Israel Pathian nih cun hiti hin a ti, ‘Israel hna Siangpahrang caah sit ikan tawih ko cang, Saul kut chung in kan latter asi, lal atân hriak ka thih chia, Pathian riantuantu tampi hna nih cun, minung cu bum/thlen khawh tawn, Pathian riantuanpi hna hmuh lio ah cun, pum kan pek ngai ngai ko ataktak bantuk in kan langhter tawn khi asi, Sihmanhselaw mu, Pathian riantuanpi mi nih akan hmuh lo nak ah le kan chung hna zong nih akan hmuh lo nak ah cun, kan umtu ning cu, setan zong nih ava mak ve ti khawh tiang in kan nun ning hi fih arak nung bak mi asi.

Phone ah Sex video fih anungtuk mi hna kan zoh, mi cheu khat hna nih cun, a thlithup in  phone sex hna kan hman, thil tha lo lei long long zoh in zan khua dei tiang hna it bak lo in kan zoh huam ko cu, zan arauh cang ah cun mi nupi/mi pasal tiah kan chim lo, a thlithup in kan umtu ning le kan khuasak ning hna hi karuah tawn, Pathian nih akan hmuh ko timi hrimhrim hi kan ruat bal hnga maw kati? Kanrak tih deuh mi cu, kan minung dang le hawi hna nih an theih sual lai timi hi cu kanrak tih ngai ngai bantuk in lang, Sihmanhselaw mah nak in tih anung taktak mi Pathian belte cu kanrak tih bak lo khi asi in alang ko cu nan zum hna maw?

I fanu le fapa hna, I nupi le pasal hna nih khan, an phone hmang/zoh in zei thil dah an tuah? thil tha maw thil sual maw an tuah timi nan thei lai lo, aho dah anchawnh zei bia dah an chim timi hi aho hmanh nih kan ruah bal mi thil asi lo, chungkhar Nu le Pa hna nih kan tuaktan/kan hlatthlai aherh maw herh lo? 2 Samuel 12:11-12 Bawipa nih cun hiti hin ati, ‘Ngai hmanh, nangmah chungkhar chung hrimhrim in nan cung ah thil tha lo ka chuahter lai, nan mithmuh hrimhrim ah nan nupi hna cu kan lak piak lai, nan khua/veng hna ka pek lai, chun ceu ah nan nupi hna cu an it pi ko lai, Nang nih cun athlithup in nan tuah, Kei nih cun Israel mi hna vialte mithmuh ah chun ceu ah ka ti lai” a ti.

Mui lak ah athlithup khawh bik in sual tuah thiam ngai ngai nan si ko hmanh ah, Pathian nih nan konglam aruah ni ah cun, narak tahpi tuk lai cu mu! Mah ngeih mi Phone hmanh duh tawk bak lo in, nan u, nan nau, nan ni, nan pu phone zong nan hman piak-I, diklo ngai in online in, sual tuah nan thup mi hna zong alang dih ko dakaw, atu ah hmuh lo in athlithup in nan tuah mi kha, nan chungkhar nih nan tuar hlan ah, Pathian tih bu tein sual kha kaltak cang law, Pathian thluachuah nak nan ngah mi Phone/Mobile kha Pathian riantuannak le thil tha tuahnak ca ding ah, rak hmang ceu ko cang u, nan ngaisih bak lai lo U le nau, ka lawm.