Sailo Nih A Hawipa Robert Hnu Zulh Ve A Timh Cang.

Hlasakthiam Sailo nih a hawipa Robert zulh ve a timh ko cang hih. Zahan nai te khan Sailo cu a hawipa Robert nih nupi dawh te a neih tak cang. Super Trio i hla an sak pi hawi lak ah Sailo lawng lawng nupi nei rih lomi a si. Sailo nih a hawipa Robert hi lawmhpi nak ca a tial pah in a rannak i nupi neih ve a timh nak kong cu mah ti hin a chim, “Ka hawipa Robert kan lawmhpi tuk. Kei zong a rannak in na hnu van zulh ve kaa tim lai” tiah nupi neih ve a timhnak kong cu a chim.

Source : Sailo

PDF-Tamu Ralkap Hna Riantuannak Kong He Pehtlaiin, Hlathlainak Kan Tuah Lio Tiah NUG Nih An Thanh!!

PDF-Tamu Battalion 4 nih Tamu-Kalay Asia lampi ah dalan tiah an lunghrinhmi nu pakhat an tukvelh mi kong he pehtlai in hlathlainak kan tuah cuahmah tiah NUG in nuhrin covo lei vuanci U Aung Myo Min nih a Facebook ah a tarlangh tiah theih a si.

Vuanci U Aung Myo Min nih cun, “social media ah a langsar ngaimi Tamu ah a cangmi thil kong he pehtlaiin hlathlainak kan tuah cuahmah lio a si. Hi thil hi hlathlainak tuah sawsawhnak men in a dih dingmi thil a si lo, a herh ningin hmalaknak zong kan tuah lai. SAC ralkap kan doh hna tikah hin, zulhphung kan ngeihmi hi țha tein kan zulh a herh” tiah a langhter chih.

Nu pakhat an tukvelhnak video file cu a luancia June thla ah a chuakmi a si i, cu an thahmi nu cu, Tamu Phyusawhti hruaitu Panchi i a nau nu Daw Aye Ma Htun(24) a si i, (CDM) tuahmi pakhat zong a si tiah theih a si.

Cu video file a zohtu hna nih cun hi cu PDF-Tamu ralkap hna tuahsernak a si ko tiah a cohlangmi zong an um.

Assam Rifle Nih Myanmar Mi 4 l Hriamnam He An Tlaih Than Hna!

December 3 ah India-Myanmar ramri pawngah, Assam Rifles le Mizoram palek hna i bawm in, Raltuknak hriamnam he Myanmar mi minung 4 cu Mizoram ramkulh, Siaha ah kan tlaih hna tiah Assam Rifles nih December 4 ah an thanh.

Cun. Tuluk chuak cycle 125( 3 ) cu hmanthlak ah kan hmuh caah cu cycle pathum zong cu kan tlaih chih khawh tiah an langhter chih.

Credit : The Chin Post