Selena Gomez Nih Justin Bieber Le Hailey Baldwin Kong Ah A Ruahnak A Phuan Ve Cang



Na nu paw chung in na chuah hnu ah na dawt hmasa bikmi nih nupi/pasal a ngeih lio hmuh cu a fawi bak lai lo, mi tampi nih an ruahmi cu Justin Bieber le Hailey Baldwin nih tthennak an tuah ahcun Selena Gomez he an in uar tthan hnga maw? timi hi a si.

Justin Bieber nih a darling tthing Selena Gomez he tthennak an tuah bak in kum 21 upa Hailey Baldwin he pehtlaihnak a tuah colh, kum 26 upa Selena Gomez cu a duhningte in nung ko hmanhselaw a ruahnak ah Justin Bieber cu a thi kho bak rua lo.

“Selena cu a rian tam tuk ruang ah a buai taktak, lunglawm te in caang a hmang, sihmanhselaw, a caan ahcun Justin Bieber a ngai kho taktak, caan saupi chung duhdawtnak he pehtlaihnak a rak ngeih pimi a si caah an caan rak hman tawnning a ruah poah ah a ngaichia kho taktak, sihmanhselaw, Hailey Baldwin he pehtlaihnak an ngeih chung poah poah cu an i peitlaihnak ah zeihmanh hnahnawhnak tuah a duh lo, Hailey Baldwin he tthennak an tuah bak ahcun Justin Bieber caah hmun hma Selena Gomez thinlung chung ah a um peng ko” tiah selena hawinu pakhat nih HollywoodLife.com sinah a chim.

“Tu lio cu Selena nih khua zakip a ruat, a caan ahcun innkhan chung ah a mah te in caan hman a duh, a caan ah a ngaihchia kho taktak, Justin Bieber he an i pehtlaihnak a rawk dih cangmi a ruah caan ahcun a zum kho bak lo, zeitindah nu dang he tthitumnak hnatlaknak a tuah khawh tiah a ruah caan tampi a um, a pasal bak si ding in a rak ruah tawnmi nih nu dang he tthitumnak hnatlaknak a tuah timi kong hrimhrim nih a lung a rawhter taktak” tiah a hawinu nihcun a chim.

Justin Bieber a uartu tampi zong nih an saduhthah ning ahcun Hailey Baldwin he tthitumnak hnatlaknak an tuahmi cu hrawk dih hna selaw Selena he i um hna seh tiah a duhmi tampi an um ka zumh, caan saupi chung pehtlaihnak an rak ngeih cang caah mi tampi nih Baldwin he tthitumnak tuah an i tim timi thawngpang an theih bak ah an lau taktak, thla khat hrawng lawnglawmg Baldwin he pehtlaihnak an ngeih bakin tthitumnak hnatlaknak an tuah colh bak ko, Selena caah cun a fak bak ko lai, a lung a rawh tuk zong ah a mawh hrimhrim lo.

Source: HollywoodLife



Be the first to comment

Leave a Reply

Your email address will not be published.


*