Thawng pang khuaruah har ngai mi cu Switzerland ram nih Ram chung ah Mah le mah ithah duh hna caah fak tuar lo tein Ithahnak ding ah tuah piak,

Switzerland ram nih Ram chung ah Mah le mah ithah duh hna caah fak tuar lo tein Ithahnak ding ah tuah piak asi, kan mah caah cun thil mak asi bak ko, hi bantuk hi kanrak theih bal lo pin ah, kan rak hmang bal lo caah mah thawng pang hi khuaruah har bak mi thawng pang asi.

Vawlei ram tampi hna ah cun mah le mah ithah nunnak lak ti bantuk hna hi, thilsual pakhat ah ruah in mi thah case ngeihter in thawng thlak khawh asi, Mah le mah ithah tim mi tlamtling lo ruang ah adam than mi hmanh mithah case tuah piak in,  thawng/jail ah tlak khawh tiang hremnak pek asi.

Mah lio ah hin vawlei ram dang hna bantuk si lo in, Switzerland ram ah cun mah le mah ithah duh mi cu 1942 kum hrawng in Upadi nih sianh piak khi arak si cang, Kum liam can 2020 kum zong ah khan an ram chung ah minung 1300 tluk an ithat tiah thei asi, An ithahnak hmanrua lang ngai ngai mi 2 cu, Digitas le Exit tiah theih lar ngai mi asi, mah bantuk hmang in mi tampi nih hin mah le mah nunnak lak ithah cang khi asi.

Switzerland acoyah nih cun kum sau ngai chung zawtnak tuar mi hna le mah tein kut le ke zong hman khawh lo in, Nun lung dongh in vawlei ah can ahman lio mi hna cu mah le mah ithahnak hi sianh piak arak si, an ithahnak hmanrua caah Exit International nih cun, bawm/box atuah cang tiah Daily Mail nih alanghter fawn cang, mah bawm chung ah ithah tim mi hna cu, an ithah hlan te ah biachahnak fel tein ngeih hmasa a her, an bia chahnak cu midang hna control nak le lungthin hruai sualnak tel bak lo in asi ding asi lai, tiah Upadi ah cun tial le record asi, Midang hna fawrhnak le hramhram in tuahternak ruang ah ithah tim mi hna cu, thih sianh pia kasi lo, Mah le mah ithahnak bawm/box hi “The Sarco Suicide Pods” tiah thei asi, a chung ah hin engine cawlcangtertu ding le ithah duh mi pakhat thutnak a um, minute khat chung in zei hmanh fak tuar lo in athi cawlh khawh asi tiah news site ah langhter asi.