Thet Mon Myint (Zung Cer Mawi) zong raltha tak tak in a cawlcang cang.

Tutan Kawlram buainak cu a linsa kho tak tak cang. Tuzaan lebang ahcun Yangon le Mandalay hrawng ah Kawl Palik nih CDM i a cawlcangmi minung tlaih dingin zan ah mi fir bak an vak. Mipi lei nih heh tiah an cawlcang ve. Palik pawl hi mipi nih zam lak in an dawi. Cun cozah rian peh duh loin lamzawhnak i aa telmi hruaitu cu Palik nih an kawl cuahmah. Cun Kawlram chung minthang pawl zong an um sawh sawh kho ve ti lo.

Tuni khan Kawlram minthang Thet Mon Myint zong lamzawhnak ah aa tel than. Raltha tak tak in Ralkap uknak a duhlonak  a langhter chih ve. Uar  aum law law. Tutan ah mipi lawng siloin minthang pawl zong an um sawh sawh kho ve ti hna lo.

Zung Cer Mawi zong lamzawhnak ah aa thawh ve. Uar aum kho tuk. Kawl ralkap lei zong an ruah ning bantuk tutan cu a si bak ve lai lo. Kawlram hi  abuai tak tak cang. Nichiar lamzawhtu an tam chin thuahmah i buainak a karh chin lengmang.

Kan chin hlasakthiam le minthang pawl siseh kawlram level i minthang pawl zong an thu sawh sawh kho ti lo. Ralkap Uknak duhlo in heh tiah dohdalnak an langhter. Hih a biapi tak takmi a si. Chinmi zong biatak tein raltha tak tak in kan ram le kan miphun kan kilvennak ding caah a herh tak takmi thil hi kan tuah ve awk a si. Ralchiat caan a si ti lo. Kan ram damnak caah cun zeipaoh kan izuam ve awk a si.

Source: Thet Mon Myint.