Thinlung A Tong Kho Tak Tak(Video He).

Kan hnu kum khan Bethsy cu a pi nih a thih tak caah chungkhar ngeihchia ngaingai in an um. October ni 8 ah khan a thih kum khat nak a phan. Bethsy chungkhar hna an ngeih a chi tuk. Mah cacun a pi thih in kum khat a tlin nak ah philh lo nak lyrics video cu an tuah. Hi lyrics video ah hin Bethsy nih a pi dam lio hman an rak thlak pi mi hna langh ter a si. Bethsy nih “Lalpa ka ngai che” timi hla a sakmmi cu chuah a si fawn. Bawipa nih Bethsy te chungkhar hnem hram hna seh. A tang bak ah video zoh khawh a si lai.

Video   https://www.youtube.com/watch?v=EFTUAjuVyVU&feature=youtu.be&fbclid=IwAR11O2RiFM3xxoGgiAXGMPg_4vqLTpC-r68SkqYp9dVEnmsKsyP-9rFDko4

(Mah capar hi van rel chap) Laimi nih kan uar ngaingai mi hlasakthiam Bethsy te nupa hmanthlak pawl cu zoh an nuam kho taktak, an i rem kho taktak. Pathian rianttuan tu chungkhar an si tik ah zoh an nuam khun. An hmanthlak siseh hmuh nuam lo a um bal lo, zoh dawh taktak an um peng. A tanglei ah Bethsy te nupa hmanthlak dawh taktak mi kan van in dangh hna.

Laimi nih Bethsy a thei lomi kan um lai ka zum lo. Kan hnu kum ah khan pasal zong a nei cangmi a si. A tu hi pasal a neih hi kum khat a tling cang. Asinain vanchia ngaingai in an fate hmasabik tu an i rawk. Bawipa nih an nupa in an lam a hruai hna lai i, fanu fapa zong an nei te ko lai ti hi mipi ruahnak a si.

Pathian rianttuan tu le Pathian aa bochan mi chungkhar an si caah uar lo awk hrim an tha lo. An nupa in hmun dang dang ah Pathian rianttuan in a kal pengmi an si.

Kan nih Laimi zong Bethsy hi vawi tampi hlasa ding in kan rak cah cang mi a si. Lai hla sak zong thiam taktak mi a si caah uar a um tuk hring hran ko.

Tutan ah Bethsy te nupa an hmanthlak dawh taktak pawl ka van in dangh hna. Pathian aa bochan mi chungkhar an si nak hi an hmanthlak zoh in aa thei ngaingai. Bawipa nih an nupa in an lam hruai peng ko seh.

  

Photo Credit : Bethsy Lalrinsangi