Tulio linsa ngaimi Lai PateLe Kawl Mintami “Khin Wunt War” Konglam

Tulio ah hi kong hi a linsa ngai ve. The Voice Myanmar Season 3 ah hlasak aa zuam cuahmah ve mi Laipa “Twan Pee” cu a tutiang aa zuamnak ah a tling rih i kawlram mipi tampi nih an uar i thazang an pek taktak mi pakhat ah a hung i cang . Twan Pee hi kan unau Tedim lei mi a si i Kalaymyo ah a um mi a si Yangon ah hin hlasak zuam ruahbak ah a rak ra ve mi a si .

 

 

 

 

 

 

 

 

 

 

Atu tiang aa zuamnak ah cun Judges pawl zong an lungtling ngai i a donghnak tiang teinak a hmu kho te hnga maw ti ah mipi nih cuanh cuahmah lio mi a si ve . “Twan pee” cu kawlram Media minthang MC (Myanmar Celebrity) nih interview an tuah i cu i a chim mi bia nih cun kawlrampi a hninh colh .Lungthiang tuk in Interview nak ah cun kawlram mintami minthang pakhat a si ve mi “Khin Wunt War” a uar nak kong cu fiang tlang ngai in a chim huar ko .

 

“Khin Wunt War” hi miss a rak i zuam lio te in ka rak uar tuk mi a si cang , vanmi hmanh hi a mah nak in an i dawh deuh hlei ti hnga hme maw titiang in ka mit ah cun aa dawh i ka aur . A mah ka uar tuk ruang ah hla zong ka phuah i a sikhawh ah cun keimah hla zong ah lemcang piak te dingin ka duh taktak . A mah he zong i hmuh khawh ka saduhthah ngai ngai a si “tiah lungthiang tein a uar nak kong cu a chim .

Mintanmi “Khin Wunt War” hi a tulio kawlram mintami ah mipi uar mi le fans a ngah pawl a si ve i “Sai Sai Khain Hlaing” he an i uar tiah mipi lei in aw an zong a ngei mi a si . Lai tlangval nih cun kawlram minthang “Sai Sai Khain Hlaing” cu a laan kho te hnga maw ?Fighting Source: Chinland Today News

News dang rel chap ve:

A Poi taktak-Sui Hlei Ṭial kongah buainak fak tuk a chuak kho ṭhan Cunglei Nawlngeitu nih Thantlang nih phone an chawnh cang (Chin world news evaning)

Thantlang thawngpang cu thinphang ngaingai a si ko cang. Hi thil a can taktak asi ahcun buainak a chuak hrimhrim lai tiah ruah khawh asi. Aruang cu Kan naunu Sui Hlei Ṭial ruak kongah Chinmi vialte lung a fak dih. Hi tluk lungfah tuk lio caan ah atu bantuk thawngpang a vun chuah hi cu, buainak aa chap chin lengmang lai ti hi cuanh khawh asi.

Kan farnu Sui Hlei Ṭial cu Thlantlang khuapi ah a ruak luhpi duh loin Lamkam ah an vui. Cu ruang ah Hakha lei mino zong an lung a fak i President Office tiang ah report nak ca phak ter ding in an i timtuah cuahmah. Cu caah Emergency Response Committee for Mai Sui Hlei Ṭial-Hakha timi cawlcanghnak chikhat ca te an ser i Thantlang , Hakha ti bantuk ah signature an khawm cuahmah. Hi kong ah Cozah nawlngeitu lei nih tlerh le ṭihphaih phun in an um hna tiah nihin ah theih a si.

Image may contain: 1 person, selfie, close-up and indoor, text that says "EFGHI NOPOD WXYZ 6789"

Hi kong he pehtlai in Thantlang khua ah a um mi minung pakhat sin in a taanglei bantuk hin kan theih. “Kan Farnu Sui Hlei Ṭial ruak vuining kan lung tlin lonak langhter ding ah tiah mizo cheukhat an cawlcang cang. A sinain Thantlang khuabawi pa cu cunglei in phone an rak chonh i mizei dah minsenthut nak tuah ding in a hruaitu hna an si timi rak hlat, kan zoh sawhsawh hna lai lo, cun mipi pawl nih teh min an thu taktak maw timi felfai tein rak ngia hna law report rak tuah colh tiah Thantlang khuabawi pa cu an chonh ti asi.

Image may contain: 1 person

“Atu hi te Thantlang hna ah minthutnak cu an tuah cang maw, Thantlang minung pawl nih teh duh lonak min cu an thu taktak ve maw, zeitin dah mino pawl cu an cawlcangh ning a si timi zong tha tein rak hlat law an hruaitu zong pawl a ho pawl dah an si timi zong rak hlat te, na theih bak in Report rak tuah colh te tiah Thantlang khuabawi pa cu cunglei in phone an chonh cang tiah ka theih ve, hi kong hi Thantlang mipi nih cun an theih pah cio cang ko lai dah,”tiah a chim hi asi.

Image may contain: 1 person

Thawng an kan thanh tu pa nih a chim ning ahcun, “Thantlang khuabawi pawl a tu bantukin rian a rak petu hna hi Myone Ohchozi hmu a si tiah a chim fawn. Sui Hlei Ṭial ruak vui nak kong lungtlin lo nak Rampi President sin tiang ah ca kan tial lai ti a si caah Thantlang, Hakha nawlngeitu pawl nih zoh sawh loin, cawlcanghnak ah hruaitu pawl tu tlaih nak lam an kawl leh lo ko rua, mipi zong thinphang in a um mi an um pah men lai,”tiah a chim fawn.

Note: Hi thawngpang hi a dik taktak ko ahcun Laimi, Chin mi kan dir taktak a hau cang, Saram bantuk in an kan vui hnu ah tlaihnak le rialdip nak lam an kawl rih ahcun a poi tuk cang lai. Na hawi le share chin hna.