Tuzaan Myanmar Idol ah Benben nih a hlasak dingmi a vun phuan cang +Video – Salai Kawltu

Tuzaan Myanmar Idol ah Benben nih a hlasak dingmi a vun phuan cang +Video

Tuzaan ah Myanmar Idol Top Finalist pawl izuamnak a um than lai. Kawl ram mipi le ram chung ram leng i a  ummi minung tampi nih an zoh than cang lai. Izuamnak hi a thiam mi lawng te an si cang tikah a har ngai ngai cang. Tutan Myanmar Idol top finalist pawl hi a thiam bak cang tiah Judge le mipi nih an ti mi lawng te an si. Zuamnak zong avan har chin lengmang cang. Benjamin Sum zong atu tiang cu thazaang apetu zong an tam ngai ko. Asinain hla aa thim sual i a performance ah palhnak pakhat khat a ngeih sual ahcun a hmailei kong hi chim khawh a si lo.

Tuzaan Myanmar Idol top finalist pawl izuamnak dingah Benjamin Sum nih hla a sak dingmi kong tuzaan izuamnak ding kong cu hi ti hin amah nih a van langhter cang. Hi kong hi zahan khan a tialmi a si. Hi ti hin a langhter. ‘ Thaizan caah thazaang pek dingin nan i ready cang hna maw? Caan hi a kal a rang tak tak. Hla tlangtaar hi University kai lio i tuanbia (memories) pawl he aa pehtlaimi a si. Biatak tein kaa zuam i nan sin ah rak langhter dingin kaa ready cang. Zaangfahnak tein Vote pe dingin rak i timlam uh. Kaa lawm tuk i nan dihlak kaan dawt tuk hna’ tiah a langhter.

Mirang ca hin hiti hin a tial. ‘  Are you ready to support me tomorrow night? Time is approaching real fast. The theme song is interestingly songs that are referring to the memories of the University. I work hard and I am ready to perform for you. Please be prepared to vote for me. Thank you and love you all so much.’ tiah a langhter.

Hi kong hi van rel chap.

Note: Hi kong hi keimah tialmi a si lo. Kawl media nih a langhtermi ka van langhter chinmi a si. A link zong a tanglei bik ah ka chiah lai. Fiang tein check hlat khawh a si.

Tutan Myanmar Idol cu a ropui ko. Media lei zong biatak tein an cawlcang tiah a lang. Kawl media online catialtu pakhat nih cun a tanglei pawl hi tutan Myanmar Idol aa zuammi hna i an kawpmi pawl tiah a langhter hna. Hmanthlak i a langmi pawl hi kawppi an darling le a si tiah a langhter. Hi kong he pehtlaiin bia fiang ngai ngai theih ding a um rih lo. Asinain Benjamin Sum belte nih cun a cousin a si tiah a langhter.

Kawl Media nih Tutan Myanmar Idol i aa uarmi Hna tiah a langhtermi. A dik le dik lo belte fiang tein theih khawh  asi lem lo.

Kawl Media nih Tutan Myanmar Idol i aa uarmi Hna tiah a langhtermi. Yaw Kee kawppi tiah langhtermi nu a si ve.

Kawl Media nih Tutan Myanmar Idol i aa uarmi Hna tiah a langhtermi.

Kawl Media nih Tutan Myanmar Idol i aa uarmi Hna tiah a langhtermi.

Fiang deuh in rel na duh cun kawl media nih a tialnak link hi van hmet.

https://abcmm.net/archives/13807?fbclid=IwAR073tgmXu1-N4xbayYPvoklgX9tq_GIAP2vtvvbLMQvyWro0saPvkjaMNs

Hi kong hi van rel chap tuah.

 Kawlram Actress Chue Lay nih Benjamin Sum a Uarnak Kong a Chim (Video he)

Note: Video cu a tangleibik ah  a um lai.

Tulio kawlram i uar ngaimi Kawlram mintami (Actress) a simi Chue Chue Lay nih tutan Myanmar Idol aa zuam cuahmahmi Benjamin Sum, Esther le Tan Tan thazaang apeknak kong biatak tein a langhter than cang. Tutan ah Myanmar Idol aa zuammi hna lakah an uarmi contestant hi kawlram minthang tampi nih an chim cang. Benjamin Sum thazaang a petu hi an tam ngai ngai. Kawlram minthang tampi nih thazaang anpek tuk. Chue Lay zong nih Myanmar Celebrity timi kawl media nih tonbiaruahnak an ngei i a chimmi cu hi ti hin a si.

Inn ah TV in ka zoh hna i an dihlak cun ka zoh zuam hna lo. Tha ka pek mi lawng bak ka zoh. Benjamin Sum, Esther le Tan Tan hna hi tha ka pekmi hna an si. Keizong hi ka nu kong he pehtlaiin thinlung a no tukmi ka si tikah Benjamin Sum nih a nu dawtnak kong a sak tikah ka celh bak lo tiah a  uarnak kong a chim. Video cu a tangleibik ah a um lai.

Hi Kong hi van rel chap tuah.

Tutan Myanmar Idol i Host a ttuantu Kyaw Htet Aung nih cun tutan Myanmar Idol izuamnak ah a ruahnak le a hmuhning a van langhter than cang. A thiam a ti bikmi zong a van a langhter. Kyaw Htet Aung hi kawlram minthang tak tak pakhat a si. Anih hi Actor, hlasakthiam (Singer) le Television Host tibantuk in a min a thang bakmi pa a si. Kawlram ahcun amah a thei lo tu hi an tam men lai lo.

 

Tutan ah Myanmar Idol Season 4 Host bak nih hibantuk in a pumpak ruahnak a van langhtermi hi a si. Hi kong he pehtlaiin a lung a tling lomi an tam ngai ngai. Amah ruahnak men men a si tiah an ti. Tuni khan tonbiaruahnak an ngei i Kyaw Htet Aung nih cun hi ti hin fiang tak tak in a chim,’ Tu kum cu an thiam tuk hna.Keimah mithmuh ah cun Benjamin Sum le Htet Ei Zali hi an thiam bik ko.Khua ka ruat i hi idol pawl nih hin CD i chuah hna seh aho a CD dah kacawk lai ti sicun Benjamin le Htet Ei Zali CD siko lai.Anmah pahnih aw hi ngaih nuam bik ko“. ti bak in a van langhter.

Zeitindah nang na ruah ning a si ve. Na cohlang kho maw. Bia a chimnak video zong a tangleibik ah a um lai.

Naite Lai tlang a kalnak hmanthlak pawl.

Kyaw Htet Aung hi kawlram minthang tak tak pakhat a si. Anih hi Actor, hlasakthiam (Singer) le Television Host tibantuk in a min a thang bakmi pa a si. Kawlram ahcun amah a thei lo tu hi an tam men lai lo.

Kyaw Htet Aung hi kawlram minthang tak tak pakhat a si. Anih hi Actor, hlasakthiam (Singer) le Television Host tibantuk in a min a thang bakmi pa a si. Kawlram ahcun amah a thei lo tu hi an tam men lai lo.

 

Hi kong hi van rel chap.

Benjamin Sum hi thazaang a petu hna an tam kho tak tak. Benjamin Sum a uartu hi chinmi lawng siloin kawl mi zong an i tel. Tutan Myanmar Idol izuamnak ah hin Chinmi minung 3 bak an i tel. Cu hna lakah Benjamin Sum hi thazaang a petu (fans) tampi a ngeimi a si. Hihi a vanthatnak pakhat zong a si fawn. Zahan naite Rock Week zong ahkhan dawh tak tak in hla a sak khawh. Hmanthlak pawl hi Benjamin Sum thazaang a petu hna an si. Benjamin Sum cu thazaang a petu pawl nih an But hnawh.

Benjamin Sum thazaang a petu hna nih cun a hlasaknak hmunhma bak ah an kawl hnawh i thazaang biatak tein an pek. Online in siseh a hmun tiang thazaang a petu hi an tam kho ngai ngai. 

Benjamin Sum thazaang a petu  hna hmanthlak hi an zoh tuah. 

Benjamin Sum thazaang a petu  hna hmanthlak hi an zoh tuah. 

Benjamin Sum thazaang a petu  hna hmanthlak hi an zoh tuah. 

Naite tialmi hi van rel chap.

Tuzaan Benjamin Sum nih teinak a hmuh i next stage i zuam tthan dingin phuan a si tlawmpal ah hi bia hi a langhter. A ruah ning bantuk in a si lo. Amah cu lungtor le lungrethei ngaiin a um. Asinain teinak a hmuh tiakah hi ca hi a van langhter colh. Upat awk a tlak kho tak tak. Thazaang pe chin lengmang ko usih. A thiam kho tak tak. Hi ti hin kawl ca in a tialmi ka van leh than. Benjamin Sum hi tutan ah Myanmar Idol ah zuamh ngaimi ah aa telmi pa a si.

Benjamin Sum Hmanthlak.

Benjamin Sum Hmanthlak.

Benjamin Sum Hmanthlak.

A dirmi 3 hi a thiam bak mi an si. Duh thim awk an har ngai. Asinain an 3 tein an tling dih.

Ka sung men lai tiah lungrethei in a um lio ah Save a van si tikah hi bia hi a langhter colh. A ruahnak bantuk siloin Teinak a hmuh tikah aa lawm tak tak. Hi bantuk caan ahcun ka sung men lai timi ruahnak cu neih cio a si tawn. A dirpimi hna hi a thiam mi an si ve hna caah ka sung men lai ti aa ruat lai. 

Thank You Lord!
Tha nan pek i vote in nan kabawmh caah next level kakai tthan cang. Tha aka pe tu Summer pawl nan thawng in asi ko.Hi bantuk caan ah ramchung ramleng in phaisa dih in vote aka pe tu nan cung ah kaa lawm tuk hringhran. Vote in thazang nan ka pek bantuk in next level ah fak piin kaazuam chin rih lai. Summer pawl zong nan tha pek nak kaherh rih ko. Thlacam in aka bawm tu pumpak pakhat cio nan cung ah kaalawm hringhran ko. Bawipa nih thluachuah inpe hna seh tiah a langhter.

 

Hi kong hi van rel chap tuah. 

Laipa Benjamin Sum tha a petu zong Benjamin Sum hlasak zoh ding ah aa thawh ve. Aa nuam kho tak tak. Hibantuk in Lai mi le laimi thazaang i pek hi a sunglawi kho tuk. Upat awk a tlak tuk fawn. Aa nuamh tuk caah post phu a si tiah ka ruah. Benjamin Sum thapetu pawl group ah langhter a si. Benjamin Sum tha a petu hi an tam ngai ngai. Laimi lawng siloin kawl pawl tiang nih Benjamin Sum hi tha an pek. An uar kho tak tak. Tuzaan ah Benjamin Sum a tling than cang ti thawng kan theihmi nih nan lung a lawmhter hrimhrim lai tiah zumhnak nganpi kan ngei. Video cu a tanglei bik ah a um lai. 

A sunglawi kho tak tak. Chin mi chung in tutan Myanmar Idol aa zuammi Benjamin Sum cu a tling than cang. Next level a har deuh mi ah izuam than dingin a kai than cang. Tutan ah hin an zapi tein an tling than hna.. Myanmar Idol a si lai lo ti zong chim khawh a si ti lo.A tu dirhmun ah Benjam Sum hi fans zong tam tak tak a ngeih hna. Tutan ah Next Round izuamnak ah a tling. Zahan khan Top Finalist pawl Rock week tiah izuamnak an ngei.  Tuzaan ah hin Result phuannak an ngei i next round izuam than dingin a tling than.

 

Zahan i Benjamin a cawlcanghnak pawl hi van rel chap.

Benjamin Sum hi an rak uar hranghran ko. Tuzaan Benjamin Sum uartu hna a Fans pawl nih hla a sak dih i an lawmh ning hi a taru kho tak tak. Mah tluk hin an rak duh ti a lang. Video cu a tanglei bik ah a um lai. Benjamin Sum hi cu uar a um law law. Video hi zoh law na nuam ngai ve ko lai. Video cu a tanglei bik ah a um lai.

Benjamin Sum nih hla a sak dih bak in a fans pawl nih heh tiah an rak auh hnawh i an rak lawmh. Benjamin Sum fans pawl hi summers tiah an i ti. An au ning hi a mak law law khi asi ko. Security pawl tiang nih heh tiah an ven. Video cu a tanglei bik ah a um lai. A ropui kho tak tak. Hibantuk hi cu a sunglawi kho tuk eh.

Hi kong hi van rel chap tuah.

Note: Video cu a tanglei ah a um lai. Benjamin Sum hmura tonbiaruahnak cu a tangleibik ah a um lai. A fapa kong a hmurka a van langhter cang. 

Tuzaan Myanmar Idol Top 10 Finalist pawl izuamnak i dawh tak tak hla asa tu Benjamin Sum a nu nih a fapa kong ah a lung um a chimnak tonbiaruahnak (interview) hi ngai hna usih.  Benjamin Sum a nu hi amah Benjamin Sum nu ding ciamam a si. Hlasak a thiam ngaimi le hla tampi a rak sa balmi a si. Tutan ah a fapa kong a chimnak hi ngai cio hna usih. Video cu a tanglei bik ah a um lai.

Tuzaan Benjamin Sum nih Rock hla a sakmi cu a tha kho tak tak. A mak kho tuk. Benjamin Sum hi a rak men hrim lo. Hlasak a thiam hrinhran ko. Kawlram pumpi hlasak zuamnak bak ah sang taktak ah a lut cang. Hmailei zong ah minthang pakhat ah aa chuah hrim lai ti ruahchannak tampi a um. Tuzaan a sakmi hla hrim hrim a tha kho tuk. Judge pawl comment pekmi zong a mak khotuk.

Judge pawl nih cun Ka fa pa Benjamin Sum a tha kho tuk. Nangmah ah hin hawi he aa lo lo in aa phundang tak takmi aw (unique) na ngei. Na aw hrim hrim a rak tha tuk. Cun na stage cawlcangh hrim hrim nih kan thinlung a kan tor ter. 

Cun an peh rih mi cu ‘ Uar na um kho tuk, Singer pakhat nih hla  sak tikah aw that lawng hi a za lo, fak piin izuam a hau. Nangmah ah hin na aw that lawng siloin zuamnak nganpi na ngei tiah kan hmuh. A liamcia caan naa zuamnak ah mipi hmai zong ah na cawng deuh, asinain tutan na cawlcangh ning hi kha bantuk kha a um ti lo. A tha tuk. tiah comment an pek. Congratulation Benjamin Sum

Tutan top ten a tling cangmi hi a thiam bak mi lawng te an si. Hi hna lakah Benjamin Sum hi a thiam lei bak a si. Lunglawmhnak tampi a um. A thiam kho tak tak ti pin chim awk a um lo.

 

Naite tialmi hi van rel chap tuah.

Tulio Kawlram pumpi Myanmar Idol Banjamin Sum hi fans tampi le amah thazaang a petu an tam ngai ngai. Tu hi Chin mi chungin minung 3 bak top ten an phan kho. Benjamin Sum, Esther Dawt Chin Sung le Yaw Kee hna cu Top 10 ah an tling. Benjamin Sum le a fans pawl hmanthlak cheu khat kan van langhter lai. Benjamin Sum fans pawl hi Summer tiah ti an si. 

Benjamin Sum thazaang pek dingin aa zuamnak hmun bak ah Poster he an kal hnawh.

Thazaang i pek hi thil tha tukmi a si.

Benjamin Sum le a fans pawl hmanthlak a si.

 

Zahan Benjamin Sum nih Rock hla a saknak video ka hin a um lai. Credit: Chin Tv International 

Benjamin Sum Nu nih a Fapa Kong a Hmurka a Van Langhter Cang

Credit: Chinland Rose

Benjamin Sum Zoh Dingin Laipa a Kal ve (Aa nuam kho tak tak video)

Credit: Meisen Sang Te

Benjamin Sum le Myanmar Idol i aa zuammi pakhat kong Kyaw Htet Aung nih a Phuanmi ah a lung a tling lomi an tam ngai. (Video)

Kawlram Actress Chue Lay nih Benjamin Sum a Uarnak kong a chimnak video.

Credit: The Chin Online

Leave a Reply

Your email address will not be published. Required fields are marked *