2019 December ah Refugee Donghter Ding cu a dong than lai lo

Note: Hi ca hi Thlaawr Bawihrin nih amah pumpak timeline i a van langhtermi a si. 

Bawi Khrih ah miphun hawi hna,

UNHCR nih auhmi refugee kong ah March 4-5,2019 ah Bangkok ah tonnak ngeih asi. Meeting kai kaa thawh lai ah thlacam ka cah bantuk in meeting ah issue pa 3 chim asi. 2019 December ah Rufugee case donghter ding, 2. Resettlement, 3. Malaysia a ummi Chin miphun zeibantuk status hmanh a ngeilomi kong asi.

Cu chimmi pa 3 chungin number 2 kan i zuam lai, No 3 cu Malaysia cozah he nawlpatnak kan tuah lai. No 1 2019 December ah refugee donghter ding timi cu donghter lo dingin kan i zuam lai’ tiah Alistair Boulton,Assistant Regional Representative (Protection) pa nih a ka leh. Chim duhmi cu 2019 December ah refugee donghter ding cu a dong than lai lo’ tiah thawng kan thanh hna.

Chin miphun dihlak thlacamnak hi Bawipa nih a theih ko, Pahnih halmi zong thlacam hna usih, Bawipa nih a herh ko’ ati ahcun tlam a tling ko lai. Malaysia ah a ummi Chin refugee a tlaitu le peng le tlangkip hruaitu sinah March 7 ah nan refugee status 2019 December ah a dih than lai lo, extend tuah asi lai’ tiah meeting ah ka chimh hna. An i lawm ngaingai, Chin phun kan i lawm ngai ve.

Bawipa a lawmhtertu miphun si izuam usih. Zeibantuk thil kan ton zongah Thiang Thlarau sawm usih. Thiang Thlarau kan lawmhter ahcun kan cungah a tlungmi zeibantuk thil poah a tuarzia le a inzia kan thiam lai.

Bawipa nih Chin miphun thlachuah pe chin ko seh!

Source: Thlaawr Bawihrin

Leave a Reply

Your email address will not be published. Required fields are marked *