Ralhrang pawl he Arakan pawl iremh lonak achuak than cang caah idoh ding dirhmun ah an dir ve fawn cang ralhrang pawl hi zumh tlak an si lo,
Rakhine state hnulei deuh ah um mi Maungtaw khuapi ah nizan ah khan ralhrang hna nih AA umnak hmun cu luhhnawh in Duty pakhat thi lak in an kah piak tiah theih asi, mahr uang ah cun atu ah hin AA lei zong nih um sawh sawh atim ve ti lo khi asi cang rua, leh rul ve hrimhrim ding ah timtuah asi cang tiah news site ah langhter asi, nawlngeihnak alak mi military council ralhrang hna nih Feb 4 ah Maungtaw khuapi Mitaih khua chak lei letpantaung hrawng ah raklut in idohnak achuahter minute 40 leng an idoh hna khi asi tiah AA information nih thanhnak nawl ngeitu Khain thukha nih atu bantuk in arak chim khi asi.
Ralhrang hna nih kan mah AA kan umnak hmun ah ruah lopi in akan kah ruang ah cu nikah rih lonak ding ah bia kamnak cu an hrawh cang tiah kan ruah, mah caah cun an biakamnak ah zumtlak an si tilo remdaihnak zong akan hrawh piak cang timi hi kan hmuh, ralhrang pawl cawlcang ning kan zoh lai, kan mah lei zong nih aherh ning in kan leh ve lai tiin Irrawaddy news ah achim, mah idohnak ah hin AA lei duty pakhat athi bantuk in khah-mah-yah, N0-352 chung ralkap hna zong athi mi an um ko lai tiah ati, atu zong ah Military council lei an cawlcang ning ah hin kaht lei khat lei iremh lonak lianbik chuah khawh dirhmun veve kan sic ang tiah Khain thukha nih achim fawn.
An idohnak hmun pawngkam ah um mi pakhat nih an chim ning ah cun AA lei pakhat an thi ko, Cun ralhrang pawl cu bomb mine an lamh sual ruang ah Officer he minung 4 an thi tiah achim, mahr uang ah cun atu lio ah hin mah hmuhhma hrawng ah hin mipi kal chuk cho an um tuk tilo, mipi himnak a um tilo aruang cu idoh/kah ding dirhmun asi ko cang, cheukhat lam hna zong phih asi tik ah motor zong an kal kho lo ati, ralhrang pawl nih atu bantuk in AA pawl anrak kah ruang ah hin boruak hi asang than lai timi hi mipi lei nih kan hmuh ning asi, ralhrang hna hi zumh tlak an si lo caah, idohnak achuak mi zong asi tiin khua chung mi pakhat nih news sin ah arak chim mi asi.
Myanmar military Council le AA hna hi 2020 November thla ah khan khat lei khat lei temporary idoh/kah rih lo ding ah biachahnak anrak ngei mi kha asi, asi nain ralhrang lei nih hin atu bantuk in thil tuah mi an ngei tawn khi asi, 2021 November thla chung ah Maungtaw khuapi chak lei ah atu bantuk in idohnak achuak fawn cang, mahr uang ah cun ralhrang hna he bia kam ti bantuk hna hi zeitik hmanh ah zum tlak an si lo zia hi alangh tawn caah, zeitin dah boruak hi akal peng laic him thiam ahar ngai cang tiah Khain thukha nih atu bantuk in arak chimnak khi asi.