75th Anniversary Myanmar Union Day-ah Peace talks cu an ngei taktak ko cang khi asi, a tel mi Ethnic Armed Group hna cu? ralkap training kai ding ah Military council nih min an lak cang,

Feb 14,2022: Myanmar State Administrative Council Chairman Snr Gen. Min Aung Hlaing-nih arak chim cang bantuk in, 75th Anniversary Myanmar Union Day-ah Ethnic Armed Group hna he cun, nizan ah khan remnak le lungrualnak bia ” Peace Talks” an ngei khi asi, Ethnic Armed Group dang dang hna hi vawikhat ah remdaihnak kong chim hi ahar kho men? A dawt tete in EAO dang hna he zong an chim ve rih hna lai tiah theih asi, mah Peace Talks ah hin acoyah lei aiawh in Union Minister of Union Government office (1) U Soe Thut le State Administrative Council Member and National Peace Negotiation Committee Chairman Lt. Gen.Yar Pyea hna nih an hruai, Ethnic Armed Group lei in NCA signatories NDAA, SSPP, ALP, DKBA, KNU/KNLA (PC), LDU, MNSP hna le Non Signatories in RCSS, UWSA, ULA (AA) hna an tel asi.

An ceih mi hna kong ah hin thil fiang kan theih rih lo nain, State Administrative Council nih Ethnic Armed Organisation dang dang hna he remdaihnak le hnangamnak a um khawhnak ding ah ceih an duhnak chan hna cu, Ram chung ah Democracy long si lo in Federal democracy State dir asi khawhnak ding hna, ram chung mipi hna nih hnangam tein an um khawhnak ding ah hma lak hna chim asi, mah Peace talk ah tel Ethnic Armed Group kip hna nih pakhat tete inan thil duh mi le beisei mi hna cu, an chim pin ah an submit hna tiah theih asi, zan lei ah cun National Peace Negotiation Committee hna le LDU, MNSP, DKBA, KNU/KNLA_PC, ALP, ULA (AA) hna cu a dang ceu in ibiakchawnhnak ngeih than asi, an umnak ram ceu ah thanchonak le remdaihnak kong ah tha tein an ceih mai khawh tiah news report nih atu bantuk in arak langhter mi asi.

Home department lei he Non-CDM staffs Nupi hna cu ralkap training kai ding ah Military council nih min an lak cang,

Ramchung ah um mi Home department tel in Minister Office in Non-CDM riantuantu staffs Nupi hna cu, ralkap training kai ding in Myanmar military council nih min lists an lak cuahmah cang asi tiah Naypyitaw staffs hna nih Yangon news site ah atu bantuk in achim mi asi, atu lists an lak mi hi hi ph- Fax hna he table resume pek in an hal hna khi asi, ralkap training akai rih lo mi staffs hna le staffs Nupi hna cu ralkap training kai ding in tuah asi, Home department tang ah battalion ngeih bantuk in Myanmar ralkap battalion ah hin, General uknak dept, Fire dept, defence dept, special dept hna le adang dept hna he an tel dih tiah Naypyitaw staff pakhat nih achim, atu ah ralkap nih Non-CDM staffs Nupi hna ralkap training pek ding ah a kum ah kum 50 tang hna hi biapi bik in training a pek lai tiah, staff tampi hna nih ralkap training akai duh lo zong ah angah lo khi asi tiah an ti.

Atu ah training kai ding ah hin CDM tuah nan duh ah cun zam/tlik asi, nan duh lo ah cun nan kai lai kai lo cu thawng thlak le hrem asi ko lai tiah Naypyitaw staff pakhat nih achim, atu ah ralkap training kai ding ah Uniform hna thit piak an sicang tiah theih asi, khua chung uk kung bawi hna Nupi cu training akai duh lo ah cun kal hnawh hna in zei ruang ah training na kai duh lo tiah checking an tuah cawlh hna tiah theih asi fawn, an himnak ding ah zam tak an duh ko nain nupi fa hna he an si tik ah lung rethei bak in an um hna tiah theih asi,Duh zong ah duh lo zong ah hramhram in training kai ding asi tiah Naypyitaw staff nupi pakhat nih atu bantuk in Khit thit media ah achim mi asi.