A hlan lio ah cun vawlei cung ah min thang ngai arak si pin ah atuahtu zong America company asi, “Gok Teik” Bridge Myanmar akong tawi theirih lo mi caah,
Gok Teik Bridge lei hi feet 2260 sau asi, 06.04.1899 kum ah hramthawh in tuah asi, 08.01.1900 kum ah dih in Open ceremony onhnak puai tuah asi, Gok Teik Bridge lei hi America Bridge Company Maryland company le Pennsyl-vania company nih thla 8 chung ah dih ding in an tuah/dawn asi, Gok Teik bridge lei lian hi America Pennsy-vania and Maryland Bridge Construction hruainak tang ah 1899 Bridge cheukhat hna cu, Pennsyl-vania company nih an fit hnu ah, atang mi rian hna cu America in thil hmanrua hna cu Lawng lian ah phur in tuah asi.
1899 in hram thawh asi hna ah kumkhat chung in an tuah dih hna khi asi, mah project control tu cu Myanmar Railroad company Engineer Sir Arthur Rendel arak si, Gok Teik Lei hi feet 2260 sau in Ban/tung caah thir thabik 16 har ngai ngai in an dawn khi asi, Thir ban/tung hi feet 1239 asi, pa 2 nak ban/tung lian hi feet 79 asi, thir phunphun an hman mi hi 10 million tluk he fit asi, vawlei tang Foundation in asng lei ah feet 820 sang asi, Foundation tel lo in feet 335 sang asi, mah Bridge Lei caah adih mi hi mah can lio ah cun Starling pound 111,200 budget asi.
Ralpi II nak lio ah hrawh asi, Myanmar Independent an ngah hnu ah Gok Teik Lei hi, Foreign Company tuahter tim asi nain, Budget atamtuk caah remh lo in a um, Myanmar Railway company nih mawhphurnak lak in1948 May thla ah rian awt hramthawh asi, thilri hna lak hi ahar tuk pin ah communication lei harnak ngeih ruang ah 1951 August thla long ah complete dih asi, Gok Teik Lei hi Colony san lio Bridge lei asi ko hmanh ah, vawleipi thilri tampi le Vawlei ram dang thil hna tampi hman asi pin ah tha taktak in tuah asi mi hlan lio Bridge/Lei tha le minthang arak si.
British Impure caah ngeih lo si khawh lo Bridge pakhat asi, hriamnam le meithal, ei/din le thil dang tampi hna hmailei ah um mi ralkap hna hman ding thil hna phurnak lam/bridge biapi bi kasi, Cun mah Bridge he apeh cawlh mi Yangon, Mandalay, Lasoe hna cu Railway tlanglawng lam he peh asi, mah hi sawlehnak ca zong ah san tlai ngai mi asi pin ah Vawlei chung thilman sunglawi laknak le Yangon Lawnglian dinnak tiang phur khawh ding ah tim tah mi asi fawn caah atu bantuk in tuah mi asi.
British acoyah caah Gok Teik Leipi hi ral dohnak lei ah siseh, sumdawnnak lei ah siseh san tlai ngai ngai in anrak hman nak hi kum 120 chung bak anrak hman khi asi, Shan ram hnulei le chak lei Pin Oolwin le Lasoe khuapi karlak Nongsoe pawng ah um mi asi, Gok Teik Bridge hi Myanmar ram ah asang bi kasi, Vwalei cung ah Tlanglawng bridge sang le minthang ngai mi acan lio ah cu nasi ve, Lasoe lei in Bridge phan hlan te ah metres 100 hrawng sau lung verh asi, Gok Teik Lei ah um Gok Teik khuate hi Mandalay in km 76 hrwang asi, Nongsoe khupi luhnak ah lam 3 itonnak ah Pin Oo Lwin lei ah kal ah cun khuapi bazar/market in Nongsoe, Taungkyi tiang kalnak lampi a um khi asi, Gok Teik in Gok Teik ara tiah hlan lio Upa hna nih an ti.
photocredit to Original Uploaded
Ref – Britainica,