A Hnubik Dr.Hai Vung Lian (Hannah Pa) Damlonak Kong Update.

CBC USA nulepa le ulenau vialte hna, Bawi Khrih min in nan kut kan tlaih hna. Kan senior pastor Rev. Dr. Hai Vung Lian damlonak he pehtlai in siaherhnak taktak le dawtnak thinlung taktak he pumpak in siseh, khrifabu in siseh thla nan kan campiaknak thawng kan theihmi nih kan hna a kan ngamter hrinhran. Nan dihlak cungah kan i lawm tuk ti hi van chim hmasa than ta ka duh ko. Thinlung tak tein thla nan camnak Bawipa nih a theih ko. Kan pastor pa zong nikhat hnu nikhat cho lam panh in a sining kan theih ko ti kha van in hrawmh ve hna kan duh ko hna.

Tuchun hi zanlei suimilam 1:00pm tluk ahkhan doctor te nih amah pum chungah oxygen 89% a um i seh in 70% kan pek an ti. Zanlei suimilam 6:00pm tluk hrawng ah khan amah pum chungah oxygen 92% a um i seh in 70% kan pek an ti. A thatur le a thi ( vital ) cu a tha dih ko an ti. Amah belte a ka in a cuap tiang oxygen peknak hri ( ventilator ) an hrolhmi ruangah hngilh sii an pek peng i amah cu zeihmanh hngallo in an ihter ko rih. Kha ti an umter lawngah thlop awk a tha ding asi caah asi.

Sizung lei nih an kan chimh mi ( oxygen pekmi percentage le amah pum ah a ummi level tbk ) hi medical lei cawnnak a ngei ve lo kan caah cun theih fian a har ngaimi asi caah oxygen level kong he pehtlai in a percentage ah khin buai tuk lem loin amah mipum dirhmun le sining ah nizan le tuchun a dangmi a um maw ti tu ahkhin biapi deuh in kan ruah khawh ahcun a tha deuh hnga ti zong van chim chih ka duh. Lungthin tak tein Pathian sin tu ah thla cam hna usihlaw a damnak ding le a nunnak ding cu amah kut ah a um mi asi ko.

Nan dihlak cungah kan i lawm tuk. Bawipa nih thluachuah in pe ko hna seh! Lunglomhnak chimcawklo he Pu Richard Ngun Lian ( ECBC, Vice Chairman ) Columbus, Ohio Cell : 859-466-3739

(Mah capar hi van rel chap) 2019 kum tuahmi Myanmar Idol Season – 4 ah Second runner up a ngahmi Benjamin Sum nih kum 20 a tlin ni philh lonak ca ah tiin Kalay Quarantine a ummi hna sin ah le Clean Yangon ah bawmhnak a pek hna tiah kan theih.

Bawmhnak a pekmi hna hi Kalay Quarantine a ummi minung 150 rawl dangh nakding ca ah tangka fang in sing 5 le Clean Yangon sin ah sing 15 an si.

Benjamin Sum nih, “Atu hi kum 20 ka tlin ni a si. Keimah pumpak in mi bawmchan khotu, mi ca ah thatnak a tuah kho zungzaltu ka si ding hi kaa hmaithlak peng mi a si. Cun, Pathian thatnak le Pathian thluachuah ka tinco mi hi hrawmh ve ka duh hna ca ah a si,” tiah The Hakha Post ah a chim.

A chuah ni ah amah thazaang a petu hna sin in laksawng a hmuh mi hi tangka fang in sing 80, phone le a dangdang zong aa hmuhchih tiah theih a si. Credit : The Hakha Post

(Mah capar hi van rel chap) Wow Kan Laipa Benjamin hmanthlak thar pawl cu an i dawh kho taktak. Zoh an nuam law law khi si. Kan Lainu pawl kha van ttang deuh tuah u. Single in nan chiah peng zong hi a tha lo. Helh pah ding si ko Lainu caahcun. Benjamin Sum hi Pathian aa bochan ngaingai mi a si caah uar um bak mi asi. Pasal ca ding zong ah a tlak bak mi a si.

Benjamin Sum hmanthlak thar pawl cu zoh an nuam kho taktak si. Hmanthlak zia siseh a thiam taktak fawn. Benjamin Sum hi Pathian aa bochan ngaingai mi a si caah uar um bak mi asi. Pasal ca ding zong ah a tlak bak mi a si.

Kan Laipa hlasakthiam ngaingai simi Benjamin Sum cu aa dawh chin lengmang ko. A hmanthlak thar pawl cu hmuh a nuam law law khi si.

Kan Laimi hmanh a lo ti lo , Korea hna a van lo ngaingai. Mifel taktak simi le Pathian aa bochan ngaingai simi Benjamin Sum hmanthlak tampi kan van in dangh than hna.

A nih hi Laimi chungin minthang kan neih mi a si caah hi ti a hmanthlak kan van tar than nak a ruang bik cu a si. Thazaang pe chin lengmang hna usih.

Photo Credit : Benjamin Sum