A poi ngai ngai ko mah le mah idoh cu Ralhrang nih thazang laknak ah an hman”RCSS le SSPP” SSPP nih hriamnam tampi an lak piak minung an tlaih fawn,

Apoi ngai ko, ralhrang pawl hi maw kan doh lai kan ti lio ah shan state chung ah mah le mah idohnak ruang ah tampi sungnak tu khi asi, atu bantuk hin ralhrang hna hi va doh hna selaw zeitluk in dah thazang an ngeih hnga? Ralhrang pawl doh si lo in, Shan miphun an mah le an mah Bu pakhat le pakhat idohnak ca ding maw hriamnam an ngei ti awk zong khi asi, tlangcung hriam tlai cheukhat hna nih iremhnak ding ah an hruaitu tete hna khi chim pia kasi bal cang rua, nain an mah nawl in atu bantuk in an kal peng khi asi rih rua tiah Politic lei Analysts hna hmuh ning asi, an state ca long si lo in kawlram pumpi ca zong ah a poi bak ko, aruang cu hmai lei democracy uknak hna va si sual selaw an mah state chung ah buainak atam ko lai ding khi asi atu hmanh ah theihthiamnak ngei bak lo in an idoh cang ah cun hmailei caah beisei nak atamtuk lo khi asi apoi bak.

Shan ram chung ah hriam tlai Bu pa 2 hna cu Feb 8 ah zingka hrawng ah SSPP/SSA le RCSS/SSA karlak ah faktuk in idohnak achuak, zan lei suimilam 3 hrawng ah cun RCSS captain le minung 11 hna, meithal lian le zenthawng, tangka hna he SSPP nih an tlaih tiah SSPP thawngthanh nak nih arak langhter mi asi, mah idohnak ah hin SSPP lei in ralkap thawngkhat leng an si tiah RCSS lei nih an chim, idohnak hmun hma hi hmun khat long asi lo hmun tampi ah an idoh hna khi asi, Shan state thlanglei Minekai, Kyawkku, Intaw, hna le chak lei ah cun, Kyawkme le Tibaw hna ah idohnak hi achuak Kyawkku lei thawngpang fiang theih asi rih lo, an idoh nak hmunhma hna hi akau tuk caah tiah, an mah SSPP lei belte cu minung 1000 leng an si timi hi fiang in thei khawh asi tiah RCSS lei thawngpang thanh nak nawl ngeitu Secretary Khancan nih atu bantuk in Yangon news site ah alanghter mi asi.

SSPP lei hna nih hmunhma hna ah patrolling in an kal nak ah Shan state ram khel 2 hna karlak ah atu bantuk in ihmuh thiam lo nak ruang ah Kyawkku chung ah idohnak hi achuak mi asi, mipi umnak in zei maw zat mei dawh pia kasi tiah khua chung um mi nih atu bantuk achim fawn khi asi, Yatkyawk khuapi Kyawkku hi Shan state chak lei le thlanglei ipeh nak motor lam cung ah um mi asi, mah main road lampi cung ah hin idoh kahnak hi achuak mi asi, khuate lei khua 20 leng hna chung in himnak duh in khua an zamtak dih hna tiah mah khua chung um mi hna nih atu bantuk in arak chim fawn khi asi tiah Yangon news nih alanghter mi asi.

Ref:Yangon news