A Tu Tiang Mizo Ngakchia Pate Cu An Hmu Kho Rih Lo (Update Thar Bik)

(A tanglei bik ah a video a um lai) Kan Unau Mizo ngakchia pate Lal Siam Thar kum 2 le cheu simi cu a tu tiang an hmu kho bak rih lo. Asinain kawl cuahmah lio a si. Lal Siam Thar hi Vairengte khua ummi an si. Ruah lo piin Kan hnu zarh ah khan a tlau. A tlau ning hi a tu tiang fiang tein theih khawh a si rih lo, mi tampi nihcun a pa an lunghrinh cang. Lal Siam Thar a pa cawlcangh ning an dothlat peng tik ah apa cu mipi nih an lunghrinh bikmi a si cang. A tanglei ah tling deuh in van rel.

Vairengte, Mizoram ngakchia pate Lal Siam Thar cu kawl cuahmah lio asi. Asinain nawl ngeitu hna nih an chim ning ah a tu hi an lungdong ngai cang tiah an chim. A tawi nak in a tlau ning mah ti hin kan van chim lai. Kan hnu zarh ah khan Lal Siam Thar hi a pa nih Petrol ka va lak ta lai tiah Mawttaw lam ah Lal Siam Thar hawipa kum 10 mi he a kal tak hna. Ngakchia kum 10 mi nihcun ka va daileng ta lai tiah ram tang lei ah a kal tak, mah lio ahcun Lal Siam Thar kum 2 mi cu thang taktak in a au. Ngakchia pa kum 10 mi nih a theih tik ah a dawi colh, asinain a ttih deuh caah hla pi tiang a dawi ngam lo.

Vairengte mipi nih a tu tiang an kawl rih. Asinain an lung a dong ngaingai cang. A pa cu an lunghrinh cang caah Polik sin ah thanh hna usih law a pa hi lunghrinh ngai awk a si, a biathup hal usi law tha lai” tiah an ti cang. Cozah sinah zaangfah bak an nawl hna i, Assam police nih investigate ti dingin cozah sinah an nawl. Lal Siam Thar a pa hi Kala pawl nih an theih ngaingai mi a si tiah an chim. A tu hi boruak a linsa ngaingai.

https://www.youtube.com/watch?v=bZ8H4LHHrRI&feature=youtu.be&fbclid=IwAR1k4ZelnIBRATHmT6s_Q4NVyAYVhtjXaMNg8Z0UKJWsOaKxVYt9iIou0sg

Source : MCH