An mah tuah mi le an mah kut chuak bak Missile nih cun BeiJing khuapi kap phak khawh mi angei cang tiah Taiwan nih Nihin bak ah arak phuang cang,

An mah tuah mi le an mah kut chuak bak Missile nih cun BeiJing khuapi kap phak khawh mi angei cang tiah Taiwan nih Nihin bak ah arak phuang cang,

Taiwan ram hmete asi ko hmanh ah technology lei ah arak sang ngai cang, an mah ram chung bak ah tuah mi awthawngnak in athawng mi missile cu, China BeiJing khuapi kap phak khawh mi Missile angeih cang tiah Nihin Taiwan Time 14 ah, Taiwan President Tsai Ing-wen nih achim, Taiwan ram karlak Rilipi hna hi ram dang hna ta asi lo, mah hmun hma hna hi kal lo ding ah China Official hna nih America cu ralrinnak a pek hnu ah, Taiwan nawlngeihnak sang zong ah mah bia cu arak chuak khi asi, nain America le ram dang hna nih cun China nih an mah ta bantuk achim mi hi zeitik hmanh ah pawmpi asi lo pin ah hnon pia kasi.

Taiwan nih zei maw harsatnak an ngeih sual hmanh ah hin, America nih Tiawan venhimnak ding ah abawm ko lai tiin, President Joe Biden nih China cu warning a pek ve bak hnu ah, atu bantuk in Taiwan sin ah achim piak fawn khi asi, Taiwan Chairman of the House of Representatives, Eusebius, nih BeiJing cu Taiwan nathuat hlan ah vawi 2 tengteng khua ruat ta rih atha lai, kan bia thlithup ngeih mi cu mah tulk thawng Missile hman nak ding ah hin hnu lei ah zeitik hmanh ah kan kir tak ballai lo timi hi rak theihse tiah achim ve bak cang khi asi.

China he an karlak buainak um mi hi Taiwan caah cun kan ready deuh deuh nak ding ah can tha asi, mah le mah thazang le thiamnam hmang in ralkap tha zang le hriamnam lei ah thancho nak ding ah hma kan lak peng ko, Taiwan nih hin ram dang hna ngeih bantuk hriamnam tha le system tha hi, ram dang ta cawktuk lo in ramchung ah bia tak tein kan tuah khawh ding ah thazang kan ngei tiah Eusebius, nih achim chih pin ah mah cu US zong nih tha tiin an pawmpi tiah ati.

China nih Tiawan hi thuat an duh zong ah akarlak rilipi kalnak lam hi arak ratnak ding asi, kan mah rilipi pawng ah, China ralkap hna nih hmunhma umnak ding ah an hman asi ah cun, Ukraine hna bantuk in kan ram venhimnak ding ah nunnak pek ding ah biachahnak kan ngei ceu ko lai tiah Eusebius nih fak nawn in achim than mi asi, Taiwan zong ral tha ngai ngai in vawleipi theih ah aholh ngam ve bak ko cang khi asi, atu tiang China nih zei hmanh lehnak angei rih lo.