Australia Laimi caah Australia Election i Thimfung Thlak Ning

May 18, 2019 thimnak le theih herh

Tuni May 18hi  Australia ram pumpi thimnak a si cang . Hlan ken te zong in tuan tein thimfung thlak khawh nak hmun ah va kal i thlak khawh a si. Asinain, zapi mi le mipi tam deuh cu a ni tuni bantuk thengte ah thimfung hi thlak deuh cio a si. Kan nih Chin miphun zong rammisinak a la cang mi nih cun VOTE thlak hrimhrim ding a si lai.

Thimfung thlak loin um ding a si lai lo. ACC members hna cu Federal Electorate (Australia Election Commission – AEC) nih pek mi hmunhma pahnih lak ah khua a sa mi kan si. Mah cu pahnih hmunhma cu Division of Casey (Mooroolbark cheu, Kilsyth, Lilydale) lei kam a um mi khi kan si i Division of Deakin (Croydon, Bayswater North, Ringwood East, Ringwood, Mitcham) an si. Chin mi kan um deuh nak lawng kan langhter lai.

Thimfung thlaknak caan : 8:00 am – 6:00 pm tiang a si lai. Atanglei ah thimfung thlaknak hmunhma hna cu electorate min keng tein kan rak langhter.
Zei tin dah thimfung na thlak lai?
1. House of Representatives A. Na thim duh mi Federal Parliamentary
Member siseh na ti mi kha No. 1 ah na zah (zah) lai.
B. Adang zong kha pal lo tein a changchang
tein No. 8 tiang na zah hna lai.
C. Mah number na zah mi hna kha suallam an ngeih tuk caah chuak hna seh na ti mi paoh
kha acunglei deuh ah na chiah lai. 1,2,3,….8 tiang kha a cung tang peihtlai tein na zah hna lai.

2. Senate Thimfung thlak nak cu;
A. Catlap kha cungtang in an chiah lai.
B. A cunglei kha nai thim deuh a si ahcun a tlawm bik minung le an party 6 tal cu na
thim hna lai.
C. Na thim tik hna ah Senate ah chuak seh na ti mi kha No. 1 na pek lai i a dang cu a changchang tein na chiah hna lai.
D. Acung lei party pawl na thim duh hna lo cun atanglei party pawl kha No. 1 in 12 tiang na
pek hna lai.

Rammisinak cu thimfung thlaknak nawl ngeih hi a si. Nangmah nih na duh le na thim mi te kha thla hrimhrim. Nan hawikom a thei lo le a fiang lo mi zong rak chim cio hna uh.

 

Kan i lawm, Australia Chin Community Admin

Source: ACC Facebook Page

Leave a Reply

Your email address will not be published. Required fields are marked *