Bangladesh ram Chittagong Hills Tract ah Chin miphun um mi pawl State demand in Bu 6 fawnh in an dir mi cu KNA/KNF,
1.Chittagong ah um mi Chin miphun hna nih Kuki National Army/Kuki National Front, KNA/KNF hi dir asi, An thil tum tah mi cu Chittagong Hills Tract huam chung ah Full state ngeih an duh ruang ah dir mi asi.
2.KNA hna hi Babgladesh JSS hna nih vawi 3/4 hrawng an kah cang hna, Sihmanselaw KNA/KNF hna nih an tei peng khi asi caah, Bangladesh acoyah nih AA pawl cu tangka tampi pek in Arakan Army cu thuatter asi, KNA hna nih an tei than thiamthiam kha asi, a donghnak lei ah cun Bangladesh Army le AA hna ifawnh in, KNA cu an dohti hna hmanh ah KNA nih an tei thiamthiam khi asi.
Chin miphun hna nih Bangladesh lei ah harsatnak an ton bik mi cu:- (A) Bangladesh acoyah nih tlangcung mi hna ah a bik in kan Chin/zo hna caah thil cawk/zuar tiang an khamh piak hna, mipi rawltam ti hal in lung rethei le harsatnak an ton lio asi, Underground ah um mi hna ruang ah zeihmanh sualnak ngei lo, mipi tuarnak hi, International Human Right dan/dun kalh mi asi tiah report asi.
International Human Right nih Bangladesh acoyah nih an thil tuah mi cu, arankhawhnak chung in stop/dinter ding asi tiah an ti, (B) Bangladesh acoyah nih An fanu maw, an fapa maw KNA ah a kal tiah an theih poh mi cu, tlaih in Jail/thawng in ah an thlak hna, Cu an thil tuah mi zong International Human Right dan/dun kalh mi asi, Bangladesh acoyah nih an khawkhan lairelnak hi aran khawhnak chung in withdraw cawlh ding asi tiah an ti fawn hna.
(C) Bangladesh in Mizoram ah himnak duh in ralzam hna cu,1966 kum ah Mizoram buai ruang ah (Uiphumtlang, atu ah CADC arak si mi) lei in E.Pakistan san lio ah ralzam mi hna an si, Atu ah hin Bangladesh ram arak buai than ruang ah, an chuahnak le an umnak ram ah arak zam kir than mi hna an si, Cu kan Unau ralzam hna cu, India le Bangladesh ramri ah BSF nih anrak khamh pin ah, cheu khat hna le bang cu vuak/velh an tuar, mi tampi hna cu an push back hna tiah theih asi.
Kan Mizoram acoyah zong nih aran khawh nak chung in, hma lak ding ah nawl cawlh an si fawn, Cun, Bangladesh mipi aiawh hna nih CM chawnhtu hna sin ah “Nangnih cu kan ram in ralzam mi hna nan si caah, settlemet ithial nan duh zong ah, india citizenship pek nan si lai” tiin bia akam tiah an ti, Bia dik asi ah cun atu ah kan state acoyah hi cawlcang cawlh ding ah nawlnak an tuah fawn.
(D) Bangladesh in ralzam hna hi Uiphumtlang (CADC) leilung fa (Son of Soil) hna an si ruang ah, a phu phu in CADC huamchung ah an umnak ding acoyah nih tuaktan piak cawlh ding in nawlnak an tuah fawn, (E) Bangladesh in ralzam hna umnak ding ah Kan state acoyah nih hin ruah piak selaw, an ei le din ding food for work shemes hmang in tuaktan piak sikose an ti, (D) Ralzam hna chung ah students cacawn lio zong an um, an cawn nak peh khawh ding ah acoyah nih ruah piak fawn ding ah nawl an si.
#J.H.Pianga President, United Bawm, Pang, Lau Association, Gen.Hqrs:Vathuampui#