BREAKING: Hakha ah Covid a ngeimi an i Chap hoi cang

Laitlang zong Covid nih a den cuahmah ve cang ko hi teh. Hakha ah Covid a ngeimi zong an i chap chin thluamah ko. Thinphang pah ngai a si. Thinphang a si khunnak cu, ramdang bantukin  sii ai a that lo pin ah sizung le thilri an tha lo.Asinain tihnung tak ahcun ruah ding a si lo. Covid a ngeimi vialte lakah a thi mi nakin a damthan hi a let tam tuk in an tam. Asinain ralrin belte a herh ngai ngai ti cu kan theih a hau.Minung kan taksa aa khah dih lo caah.

Chin ramkulh Hakha khuapi ah Covid-19 zawtnak a ngeimi minung (4) cu Ontober 13 ah an hmuh than hna i minung pahnih cu Yangon in a rak tlungmi an si i a dang pahnih cu Pakukku in Hakha ah arak lutmi Motor mawng an si.Yangon in Hakha ah a rak tlungmi pahnih hna hi cu Hakha an phakbak in kharkhumhnak ah chiahcolh mi an si i kum 19 le kum 25 upa mi pa veve an si . Motor mawngtu pahnih cu myone kip ah motor za ten Antigen Test Kit in Covid-19 an ngei maw ngei lo timi check dih an si i minutes 30 chung ah result a chuak colh ding a si .

Cu bantuk in Hakha khuapi ah a lut mi Motor mawng vialte zong rak check colh an si caah a tu motor mawng pahnih zong zawtnak an ngei ti an theih hna nak a si . Hakha ah hin Covid-19 zawtnak a ngeimi 5 ( pakhat a um cia mi he )an um lio a si i an pa 5 ning tein Hakha sizung pi ah thlopbul cuahmah an si.Chin ramkulh Mindat khuapi ah Covid-19 a ngeimi 2 an lio a si i Matupi ah 1 , Falam ah 1 , Hakha ah 5 le Tedim ah zawtnak a ngeimi zat theihfelfai a si rih lo . Antigen Test Kit in check thluahmah an si tik ah zawtnak a ngeimi hi hmuh thluahmah an si lai tiah zumh a si i , Kawlram chung ah hin covid-19 a rak karhmanh ngai cang kho mi a si tiah kawlram ngandamnak zunglei zong in thawngthanh a si fawn .

Source : Vapualauaw (chinland today nws)