BREAKING NEWS: FALAM Inn 6 Kangmi ah Sayama Mang Hlei Zing le Pi Rah Zing hna cu an Ruak in an Hmuh hna

Breaking News: (A poi tak tak). Falam ah inn ruk a kaang, minung 2 nunnak a liam, Chin Ramkulh Falam khuapi hti-yik (ထီးရိပ်) thlang ah inn kanghnak a chuak i a pawngkam inn inn li zong a kangh chih hna tiah theih a si. Hi kong he pehtlai in Falam um min langhter duh lo pakhat nih, “Atu inn a kaang mi hi a dihlak ah inn nga a si. A kangh hi suimilaam 3:30AM tluk ah a si. A kangh in Falam meithat zung nih an fuh colh hna i atu cu mei an hmih khawh cang” tiah The Hakha Post ah a chim.

Falam inn kangh ruang ah minung pahnih nunnak liam,Falam khuapi lan-sung zing suimilaam 3:30AM 2021 January 12 i inn kaang mi ah minung pahnih Sayama Mang Hlei Zing le Pi Rah Zing hna cu an ruak in an hmuh hna. Inn a kaang mi hi a dihlak ah inn 6 a si i zinglei suimilaam 5:30AM tluk ah mei an thah khawh. 

Inn a kaang mi hna hi Pu Kiam Si inn, Pu Zaw Tun inn, Pi Mang Hlei Zing inn, Nu Pen inn, Pu Biak Vum Inn, Sayama Thiam Te te hna pawl i inn an si.Cun, mei nih a kangh taktak mi hi cu inn 6 a si nain runven khawh nakhnga ca ah Pu Tawi te inn, Pu Khua Lian Pum te dawr le U Cin te inn pawl an theh hna tiah theih a si. Source; The Hakha Post

Relchap:-BREAKING NEWS: Twitter Company cu Trump an Kham (blocked) Hnu in Sipuaizi lei ah 10% bak in an Tum Chuk Cang

Tuni khan Twitter Company cu Sipuaizi lei ah Stock biatak tein a tla. 10% bak Trump le Trump  former national security adviser Michael Flynn le attorney Sidney Powell hna chuah le kham an si hnu ah hi thil hi a cang. Twitter nih hin Trump lawng siloin former national security adviser Michael Flynn le attorney Sidney Powell hna zong a chuah hna. A chuah bak in a chuah hna. Ca pakhat hmanh an tial kho ti lo. Mipi pehtlaihnak hrimhrim an ngei kho ti lo. Trump nih hin Twitter ah Million tam tuk followers a ngeih hna. Cun Trump cu kham law law bak in Twitter nih a tuah caah Twitter company cu biatak tein sipuaizi lei ah a tla. Zeitin dek  an ruah te hnga. 10% tumchuak cu Company caah a fak ngaimi a si. Source: Daily Mail