BREAKING NEWS: Hakha le Thantlang kar i Phaisa tam tak tak Chuh a tongmi Aung Aung nih a Thil Tonmi a Phuan Cikcek

Naite Hakha le Thantlang kar i phaisa tam taktak chuh a tongmi Aung Aung nih fiang tein a thil tonmi a phuan. Phaisa chuah a sinak kong vialte  a phuan dih. Hakha Post nih cun hi ti hin a langhter. Video he tanglei link khi hmet law zoh. Hi thil a tuahtu hna konglam zong a langhter. Tihnung pei si hi. Video hi zoh. 

Hakha le Thantlang karlak ah tangka sing 17 chuh a tong mi Aung Aung nih, “Tangka a ka chut tu hi minung pathum an si i, a hmasa ahcun Lai holh in an holh ko…” Video ka hin um lai..https://fb.watch/36bnz_ypbM/

Naite a konglam tialmi.

U Aung Aung cu Hakha le Thantlang kar ah tangka kyats sing 17 an chuh:U Aung Aung cu Hakha le Thanlang kar lak ah minung pathum nih 2021 January 16 zanlei suimilam 2:45 hrawng ah tangka kyats sing 17 an chuh tiah kan theih. Hi kong ah Thantlang palik bawi U Than Lwin nih, “ atu hi tangka chuh a tong mi U Aung Aung hi kan check hlat cuahmah lawng a si rih.Minung pathum nih tangka an chuh hnu ah Hakha lei maw an kal Thantlang dah ti mi zong U Aung Aung nih a kan chim kho lo. Cu caah hi thilsual tuah mi minung 3 hi hlat ding cu a har ngai. Asinain, Tikir I palik le Hakha in palik hna tiang i bawm in kan kawl ko hna lai. U Aung Aung nih a kan chimh mi minung he a sining aa lo mi kha palik nih kan hlat lai i kan hal hna lai,” tiah The Hakha Times ah a chim.

“U Aung Aung hi Irrawady ramthen in a ra mi Kawl miphun a si. Kunya le khaini zuar in a paw a cawm mi a si. 2021 January 16 ah Thantlang ah kunya lei ba cawh ah a tlung i lei a ba tu nih Ks.100,500 an pekl mi aa kir pi mi le amah pumpak ngeih mi a sihlak Ks. Sing17 an chuh hi a si. Tangka a chut tu hna hi lai holh in a chim mi an si tiah palik sin ah a chim,” tiah Thantlang palik pakhat nih The Hakha Times ah a chim.

“U Aung Aung hi kunya leiba cawh ah Thantlang ah a kal i a kir lei ah a tu bantuk in tangka chuh a ton hi a si. Minung 3 nih lam an kham i a motorcycle an dir ter hnu ah lo kalnak lam lei ah an kal pi. Mah hnu ah hmur le a kut cu tape in an tem hnu ah tangka sing 17 an chuh tiah kan theih. Hi thilsual tuah tu minung pathum cu Thantlang peng palik sakhan nih (pah) 3/2021/pohma 392 in tazacuai ding in an hlathlai cuahmah,” tiah Thantlang IPRD nih an langhter. Source: The Hakha Times.