BREAKING NEWS: Hakha-Thantlang Kar ah Mi Pathum Nih Phaisa Sing 17 Chuhnak A Chuak

Hakha-Thantkang Kar Ah Mi Pathum Nih Phaisa Sing 17 Chuhnak A Chuak: Chin ramkulh Hakha le Thantlang kar ah January 16 (nizaan) ahkhan Minung pathum nih khualtlawng pakhat phaisa sing 17 an chuh tiah theih a si. Thil a can ning cu Kum 32 a simi U Aung Aung cu Hakha lei ah eiba cham a kal a kir lei ah Thantlang lei meng 9 a hlatnak zawn ah min hngalh lo mi pathum nih an kham i phaisa sing 17 an chuh tiah theih a si.

Cycle in lam an kham i, an ṭumter hnu ah pakhat nih a hngawng in a kuh. Pakhat nih nam in a hnulei in a cer i, lolam lei ah an kalpi. Furlong pahnih hrawng an kalpi hnu ah an ṭhutter i, a kut pahnih cu plastic tap in an ṭem i a ka zong plastic tap in an huh hnu ah a phaisa sing 17 an chuh tiah Thantlang palik nih an chim.

Hi thilchut tu misual pathum hna cu kawl cuahmah an si i, Thantlang palik zung nih biacaihphung 392 in case an hun hnu ah an kawl cuahmah lio hna a si.Source – IRDP Thantlang.,Photo – IRDP Thantlang,Source: Chin Broadcasting Network