Breaking News : Lal Tlan Chuah Cu Court Nih A Nunchung Thonginn Tla Dingin Dantatnak A Pek Cang.

Republic Veng Pu.Sangliansiama te chungkhar mi pa5 bak thattu Laltlanchhuaha cu sualphawt a si hnu ah Additional District & Sessions Judge Dr HTC Lalrinchhana nih zahan ah khan a nunchung thonginn tla dingah dantat nak a pek cang. Hi lio ah hin Republic Veng JAC hna nihcun kan dir nak ah kan dir peng rih. Hri in awk ve hna seh ti cu kan duh ning a si peng tiah an chim ve.

(Mah capar hi Lal Tlan Chuah sual an phawt nak kong kan rak tial mi kha asi) Republic Veng Pu.Sangliansiama te chungkhar mi pa5 bak thattu Laltlanchhuaha cu sualphawt a si cang. Hi thil hi kum 2015 kum thil cangmi kha a si. Laltlanchhuaha nih hin Aizawl Republic veng i ummi Pu.Sangliansiama te chungkhar mi pa5 bak cu a rak thah hna. Pu.Sangliansiam te chungkhat le Republic Veng mipi an thinhung taktak, thi lak in hri in awk hna seh ti cu kum 2015 in a tu tiang ah an duh ning cu asi.

Laltlanchhuaha hi sualphawt a si hnu ah Zahan November ni 5 ah khan zeitin dah dantat a si lai timi cu Addl.District & Session Court ah ceih asi. Cozah sihni le mithi chungkhar hna nih Laltlanchhuaha hi Thi dingin dantat siseh tiah an duh. Asinain Laltlanchhuaha lei Sihni nih Cozah sinah zangfah an nawl i, a nun chung thonginn thlak siseh tiah zaangfah an nawl ve fawn. November ni 9 ah zeitin dah dantat a si lai timi cu fiang tein phuan a si lai tiah Mizo News nih an tial.

Hi lio ah hin Republic Veng mipi le nawl ngeitu hna nih Laltlanchuah cu a thi ve ding si, Hri in awh si ve seh tiah an ti. Hi ti tluk hin thil sual taktak mi le ttih nung taktak mi a tuah caah hri in awh phu asi tiah an ti ve.