Breaking News : US Laimi Ralrin Peknak, I Ralrin Taktak A Hau!!

Ralrin Peknak!!!

Khuami hna, tulio hi ngunkhuai khirh lio (tax return) a si bantukin phone chung in scam (mihrokhrawl) pawl nih phaisa hal in an vah saling a si. Phone in phaisa an hal hna i nan kan peklo ahcun police nih nan inn ah rak in tlaih hna lai tibantuk in an tlerhkhonh hna.

Tuni zong Chin Center ah $2500 man gift card a cawk cang i pek a timh lio ah kan bawmh manhmi a um. Kha bantuk in phone chung in phaisa halmi pawl cu nan phone rak thah kanh colh hna uh. Hi kong hi nan khrihfabu cio ah rak zamh uh.

Chin Community of Indiana.

Zei ruangah IRS kong hi kan tial lengmang ti ahcun tukar hrawng hi Tax Return tuah caan a si caah i ralrinhnak ah kan tialmi a si. Hi bantuk Tax Return tuah caan ahhin misual/mi hrokhrol pawl nih heh tiah phone chawn in mihlen an i zuam lio caan a si ve. Cucaah hi bantuk chungin kan him deuh nakhnga IRS kong hi kan tialnak a si.

Internal Revenue Service (IRS) nih zeitin dah IRS min in na innka an in kingh tikah IRS an si taktak le taktak lo na theih khawh lai timi hngalhnak an website IRS.gov ah an langhter.

IRS nih phone in chawnh le pumpak in nangmah an in fuh tikah hi bantuk hi a caan te ah a si thiammi a si tiin IRS nih theihternak an tuah lengmangmi a si. Hitin IRS nih inn ah rat hnawh le phone in chawnh hi anmah caan cio a phak tikah an tuah tawnmi a si.

Sihmanhsehlaw IRS min in a ra mi poah kha IRS minung an si ai pat tiin mi nih an zumh colh lo ding zongin IRS lei nih ralrin peknak an tuah fawn.

IRS min in mi a va leng dingmi hna cu IRS riantuantu fim cawnnak lei, hlethlainak a tuah te, le a herh ningin phungning tein an um maw um lo ti a zohfeltu hna hi an si hna lai.

Sihmanhsehlaw IRS min in riantuantu rat an i timh ahcun mailbox ah hi lennak kong he pehtlaih in IRS lei nih theihternak an tuah hmasa lai. Cun nan i manh thiam le thiam lo zong an in hal hmasa fawn hna lai.

Nain IRS nih thil sual tuahnak kong he pehtlaih in na inn rat an i timh ahcun an in theihter hmasa lem lai lo. Cun hi a ra mi hna nih tangka pek ding phungphai hrim an in hal lai lo. Cun IRS police pawl an si ahcun tha tein an number le an sinak pawl an i ken hrimhrim ve lai.

A tanglei ahhin tling deuh in theih na duh ahcun zohchih khawh a si rih.“How to know it’s really the IRS calling or knocking on your door” on IRS.gov.

IRS min in tangka hal hi tax tuah caan lawngah si loin zeitik caan poah ah a si tawnmi a si. Nain IRS nih cun phone chung hna in cun zeitik hmanh ah tangka an in hal bal lai lo.

Leave a Reply

Your email address will not be published. Required fields are marked *