BREAKING NEWS: US mi Tlau Tabei Hrang Lian Umnak Theih a Si Cang

A Hnubik Update:- A mak ko. US mitlau Tabei Hrang Lian kan timi kha Sizung ah rak um diam ko.Ni 3 leng khawika dah a um hnga tiah lungrethei in um cio a si. A thi lai maw a nung lai ti zong ruah a si. Asinain vanchiat vanthat kan ti lai maw, sizung (hospital) ah Car accident a rak ton ruang ah a rak um tiah Mang Za Lian nih cun comment a pek. Car accident a rak ton  ruang ah a umnak theih loin Sizung ah a rak ummi tu si dawh a si.  Hi thawng hi Palik nih an chimmi a si tiah langhter a si. Sizung a um ning dirhmun belte thawngpang fiang theih a si rih lo. 

Tial Cia mi News: US ram ah Laipa tlau. Hi ti hin langhter a si. Kum 40 asi mi amin ah Tabei Hrang Lian atlau. US ram ah a tlau mi asi. Adongh nak bik an hmuh ni cu Jan 24,2021 Suimilam 10:30 PM ah Thurgood Marshall Airport (BWI) ah Motor rang Honda Civic, MD In a Rianttuan nak hmun Arbutus area ah alawi ti lo cu caah ahmu mi le athei mi nih phone in theih ter nak tuah ding Call 410-307-2020 or 911.

Mirang in hi ti  hin langhter  si fawn:Missing Person: 40-year-old Tabei Hrang Lian, last seen Jan 24 at 10:30 pm in area of BWI Thurgood Marshall Airport (BWI) in white Honda Civic, MD tag 9DE6091 working as a driver for a ride-hailing app. He has not returned home to the Arbutus area since. Have info? Call 410-307-2020 or 911. NL (Chin Cable Network Channel)

Relchap:Trump le Russia Thlithup Riantuannak Vialte Cauk Pakhat nih a Phozar Dih

Zahan tihni  i a chuakmi cauk pakhat nih Russia le Trump thithup ipehtlaihnak cu thalo lak in a phozar. A dik tak tak maw? Dik lo timi belte theih tak tak khawh a si lo. Zahan January 26 i a chuakmi cauk American Kompromat timi cauk a tialtu nih cun Trump hi sipuaizi a rak tuah ka te ah Soviet Union nih a rak bawmh tuk ti a si.

Trump nih a sipuaizi (Business) estate lei  ah phaisa lei harsatnak fakpi a rak ton lio ah biatak tein an rak bawmh i Putin Russia President a van sibak in Trump nih an Dawtnak cu a lehrulh tiah a langhter. A liamcia kum 40 khan Russia nih Trump a rak bawmh tuk ti a si.American Kompromat timi Cauk nih cun Trump rumnak, nawlneihnak le ihlennak tlangtaar khenh chih in  a kong a langhter. Trump hi sipuaizi a tuah ka te 1976 kum hrawng khan Russia he pehtlaihnak  arak nei i Manhattan le hmun dang dang ah Sipuaizi a rak tuah. Hi lio ah hin Russia he pehtaihnak tha tuk an rak nei. 1980 in 1990 kum hrawng i Trump sipuaizi lei harnak a ton lio ah Russia nih heh tiah bawmhnak  arak tuah.Thatlonak phun phun he Trump nih hin pehtlaihnak a rak tuah tiah cauk nih cun a langhter. Cauk tialtu pa nih hin FBI, CIA officer hlun le sihni hlun pawl interview a tuahnak rinhchanh in cauk hi  a tial ti a si.Cauk nih  a langhter bikmi cu Trump hi Russia he a hlan tein pehtlaihnak an rak ngei. Putin Russia President a van si bak in Trump nih Russia bia el lo in Russia pawl cu dawtnak in a lehrulh tiah a langhter. Trump President a van si bak in Russia cungah dawtnak le rianttuan tinak tha an ngei ti a si. Source: Daily Mail