CCN Nih Hi Hna Pawl Caah An Tuah Dingmi Cu A Ttha Tak Tak

February 10, 2019|Dallas- CCN Channel nih kum dang ah kan tuah bal lo mi tukum cun tuah hram kan I thok.

Cu hna cu:

1. Chin mi chung in Gospel (thangthat hla) Singer of The Year le Lovesong (zuun hla) Singer of The Year thimnak kan tuah lai. 2018 chung lawng kan zoh lai.

2. 2018 tiang ah Lemcang thiam bik zong kan thim hna lai. 2018 tiangah Fidi thiam bik (Best Actress) le Fitlaw thiam bik (Best Actor) hna thim an si lai. 2018 tiang a chuakmi muicawl paoh kan zoh lai.

3. CCN Award timi minung pakhat in kan miphun chungah pek a phu bik ko rua ti kan ruah mi pek nak a um lai. 2018 chung lawng kan zoh lai.

4. Cun, zapi nih kan miphun chungin minthatnak pek a phu ko ti mi zapi duh thim mi laksawng zong a um lai. Mah hi hi a mah dang tein ca kan van thlah than lai. 2018 chung riantuan nak lawng zoh a si lai.

Pakhat nak in pathum nak tiang cu CCN Award thimtu committee nih a thim hna lai. Pa li nak zawn cu Zapi nih thim a si lai.

Laksawng ngah tu hna March 3, 2019 @7p.m. ah thawngthanh an si lai.

Upatnak he,

CCN Channel Team

Source: Chin Cable Network Channel

Laksawng an pek dinmi ahhin ahoho hi dah an si hnga? Elena Hniang Tha Par aa tel ve hnga maw? Van Biak Lian aa tel ve hnga maw? Kaa ngaih tak tak cang. Anmah caah hin a si khun kho rua ka ti hlasak lei ahcun.

Leave a Reply

Your email address will not be published. Required fields are marked *