Chin Defence Force CDF cathanhnak nawlngeitu in athanh ning in Chin state chung ah khuate lei hmun 60% cu an kut tang ah a um cang tiah,

Chin Defence Force cathanhtu chim ning in Chin state chung ah khuapi pakua 40% cu Myanmar Army hna nih an uk rih bantuk in alang ko nain, Administration zei poh cu an control khawh ti lo, can arauh hlan ah CDF hna nih cun kan lak dih ko lai tiah ati, September 11 ni ah Thantlang township chung Lungler khua ah, Myanmar Army-hna Camp a lak kong ah media bia halnak ah CDF thawngthanhtu nih Myanmar Army Camp an laknak in meithal 22, meithal lian 2, Pistol 3 tlaih asi, Myanmar ralkap 7 le Police 5 an dih lak in minung 12 hna an thi an ti.

An Camp hi CDF hna nih cun mei an dawh piak dih hnu ah, Myanmar Army hna nih ral dohnak van lawng hmang in akan thuat caah mah hmun cu kan kal tak ko tiah an ti, Lungler Myanmar army camp hi an hmunpi lei in atangin ration supply pek atha lo ngai, ralkap hna le hriamnam hna zong an za lo ngai ngai khi asi, mah ruang ah cun aherh lonak ah tampi nan thi nak ding asi caah, kan kut ah rak inpe ko cang uh tiah nawlnak kan tuah ko nain, an duh lo caah atu bantuk in tuah aher cang khi asi tiah, CDF thawngthanhtu nih cun a chim.

Chin state chung ah hin CDF hna nih hin Myanmar Army camp (Out Post) 5 hrawng an lak cang tiah an chim chih, Chin Defence Force thawngthanhtu nih cun Chin state chung ah township pakua huam chung ah hin, Chin National Front CNF le Chin Defence Force CDF hna cu, Chin state venghim ding ah Joint Military Council an ngei tiah achim, National Unity Government, Defence Ministry he an ichawnh peng tiah achim fawn.
wiwspwa