Chin Defence Force CDF Lautu Unau hna nih Kachin ram ah training an ngei dih cang,
Chin Defence Force CDF Lautu Unau hna nih Kachin ram ah training an ngei dih cang,
Lautu CDF Unau rual hna nih kan Chin Unau asi mi, Kachin ram ah training raldoh ning cawnnak cu, akal mi vialte chung ah hin hmunthum then hmun hnih hna cu, training ngeih dih hnu ah hriamnam he tlamtling te in anrak tlung hna cang khi asi, Training an ngeihnak ah hin raldohnak le ral lak ah iven ning hna tiang tlamtling tein training hi ngeih asi, an ilawm ngai ngai hna, kan Unau Kachin hna nih hriamnam thatha he tluangte in anrak tlungter tiah theih asi.
Atang rih mi cheu khat hna zong hi training an dih hnu ah anrak tlung ve ding khi asi, Lautu CDF an hruaitu hna khawkhan lairelnak hi atha ngai ngai khi asi, ral doh taktak ve ding ah cun, pitling tein training ngeih hi arak herh ve bak mi khi asi, atang mi trainers hna zong nih tluangtein training an dih khawhnak hnga, thlacam he bawm ceu hna u sih, CDF-Lautu unau hna kan lawmh pi ngai ngai hna Bawipa nih ralhrang hna teikhawhnak ding ah ngandamnak an pek te ko lai, bia tak tein tang hna ulaw Bawipa nih thazang an pek chinchin te ko lai.
Ref: Zalen news
Lai Autonomous District Council LADC chung population lei theih kaunak ah,
Lairam (Lai Autonomous District) kan timi hi Sixth Schedule to The Constitution of India tang ah, 1972 ah khan arak dir mi asi, A ram kau lei hi 1871 sq km asi, Lairam acoyah ah Local Administration Department nih 2020-2021 chung ah data antuahnak ah cun, Village Council (VC) 95 a um, Sub Village Council (SVC) hi 7 a um, Lairam chung ah hin minung um mi vialte hi adih lak in, minung 103,474 an si, mah chung ah hin Nu 52,095 an si, Pa 51,379 an si, Mipa nak in Nu an tak deuh khi asi, Minung 103,474 ah hin 79,500 hrawng hi Laifa hna deuh an si, adang hna hi Bru, Chakma le hnam dang an si.
Khua (VC) 65 hi Laifa hna (Halkha, Mara, Bawm, Pang, Matu, Zophei, Lautu, Zotung, Khuafo, Khumi etc) umnak asi, Khuate (SVC) 2 ah hin Lai hnahthlak an um fawn, Khua (VC) 95 ah 17 hi Chakma khua a si, khuate (SVC) 2 hi Chakma longte umnak khua asi, Khua (VC) 16 ah Bru an um, khuate (SVC) 1 ah an um tel ve fawn, Chakma le Bru azat ceu umnak khua (VC) hi 2 a si,, cu bantuk in khuate (SVC) hi 2 a um fawn khi asi.
Mah minung 103,474 chung ah hin Laifa hna tlang holh cu, Halkha holh base in tuah asi, Lai holh hmangtu hna hi 18% hrawng an um, Lai hnahthlak holh (Bawm, Pang, Tlanglau, etc) holh hmangtu hna fawnh in 23% hrawng an si khawh ding ah ruah asi, Minung 103,474 chung ah hin Bru holh hmangtu hna hi 11% hrawng an si, Chakma holh hmangtu hna hi 11.50% hrawng an si fawn, Cun Lairam chung ah hin Rakhine holh le Kawl holh hmang tlawmte an um ve fawn, A dang hna vialte 50% hrawng hi cu Chin hnahthlak Zo holh hmang an si ve.
Cre: Salai R. Lahnim,