Chin/Mizo Khrihfa hna nih Bible cawnpiaknak kanrak theih ning hi adik maw? Adik lo? atang bia ah narel dih hnu ah comment navan pek lai??

2Tim.1:9 Chin/Mizo Khrihfa hna nih hin Bible kanrak theihnak hi asau ve ngai ko cang khi asi, Asi nain kanrak theih ning hi adik maw adik lo timi hi ruah ding thil biapi ngai asi, Pathian an iphuannak Bible nih hin arak tlu cang mi minung hna sin ah, kan ngeihcia thatnak, Dinfelnak, Tikhawhnak, theihnak, Thiamnak, hna hmang in Pathian hmaika ah tling ding in, Pathian nih akan beisei dawt akan fial tiah mi tampi nih kan ruah mi asi deuh tawn khi asi, zei ruang ah dah kan ti ah cun kan țhatnak le dinfelnak hmang in Pathian caah, kanrak ipeknak cu hna ngampitu Khrihfa kan si deuh dih hna kan si.

Mah bantuk lei lam ah cun minung le thiltuah mi biapinak kong chim thiam mi poh poh nih, mi lawmpinak an hlawh/ngah deuh khi asi tawn, Pathian le Jesuh min achim ve peng tawn ko nain, an lungthin nih hna ngamnak ngeihpi belte cu, Pathian caah minung ipeknak le thiltha tuah thiamthiam hi asi tawn, mah ihngahnak dik lo mi nih achuahpi mi cu, kan dinfel lo le kanthat lo deuh ah cun, “Khamnak kong kanrak tlau tak tawn, timi bia hi arak chuak tawnnak asi, Mah cu Bible cawn piaknak asi lo mi asi, Bible theihnak dik lo nih achuahpi mi cawnpiaknak tu khi asi, apoi ngai ngai ko.

Khamnak hi kan nun ning le thiltuah fel lo ruang ah kan tlau tak asi ah cun, kan nun ning le thiltha tuah ruang ah nan ngah/hlawh mi asi lai, Jesuh Khrih zumnak ruang ah asi lo timi afiang ngai, mah cu Bible nih akan cawn pi lo hrimhrim khi asi, mah ruang ah cun Bible kanrak theih ning dik lo ruang ah hin akan hruai sual ngai ngai khi asi tawn, hmelhriat fuh lohna hian min hruai bo nasa em em ani, tui em em fuh silo, mah caah cun kan lam zong ah, kantha atho ngai ngai zong ah, kan lamnak, kan thangthatnka, kan phurnak vialte hna cu Pathian sin ah phan lo in, apap palong asi dih ko apoi ngai, Bible Pathian iphuannak nih hin zei dah akan chim, zeitin dah damnak hna akan tuah piak tite hna hi theih dik ava her ko e, Bible hi ” atlu cang mi minung cu sualnak nih an luh hnawh cang mi, Pathian hmaika ah dinfel le țhatnak, thianghlim le tlamtling tilo mi hna sin ah, Pathian iphuannaktu khi asi.

Cuticun Zangfahnak ngeitu Pathian nih cun ” Zangfahnak ruang te ah Khrih ah mi fel, mi thianghlim, thiamcotu tiin aka pawm chauh khi asi” mah cu dakaw minung hna nih damnak le hnangamnak kanrak ngeihnak cu asi Bawipa min thangthat in um ko seh, timi hi Bible nih atimh bik mi chungril mu bak asi, kan caah damnak um chun cu Pathian zangfahnak hi asi ko e U le nau, Bible hmang in Pathian ipuhan ning, A tlu cang minung nih hin Pathian hmaika ah kan thawngpang adik mi te kan theih khawhnak hnga, kan dinfel kho lo lio ah dinfel akan fial, kan thianghlim kho lo tiah akan theih piaktu nih, thianghlim akan fial, Pathian duh ning in thiltha kantuah kho lo tiah akan theih piak pengtu nih theih bu tein achim mi cu!

Thilțha tuah ding ah akan fialnak chan cu, kan tlamtling lo zia/hlawhcham zia theihter akan duh ruangtu ah asi, kan tlamtling lo zia kanrak itheih fiang hnu ah cun, Minung lei nih hehset kanrak zuamnak cu zeihmanh asi lo zia kan theih hnu ah, Pathian tel lo in zei hmanh kan si lo ruang ah Pathian akan naitertu akan zumtertu hi Pathian bia nung Bible timhnak arak si, kei mah lo in zeihmanh nantuah kho lo tiah Jesuh nih ati mi bia hi Bible nih akan cawnpiak mi asi, Kan nih cu minung lei zuamnak, theihnak, thil tikhawhnak, dinfelnak, thlacam zuamnak hna hi zumtu tha asi tiin kan ruah, mah hi Bible cawn piak ning asi lo caah, mi tampi nih dik lo ngai ngai in Bible Pathian bia hi minung duh ning phun in kan cawn piak ruang ah Jesuh kan tlau tak tawn khi asi.

Pathian hmuh le minung hmuh let talam asi caah, ahmasa in dinfel akan fial dinfel kho lo timi akantheihter, dinfelnak angei mi Jesuh akan herhtertu khi asi, thianghlim ding ah akan fial thianghlim nak ah mi tlamtling lo kan sinak langhter an duh, mah ah cun Khrih cu kan caah thianghlimnak asi timi kan zumtertu asi, Pathian iphuannak Bible nih hin kan tlamtling kho lo/kan hlawhcham zia akan theihternak nih cun, A zangfahnak akan herhter tawn, Khrih Jesuh zumtu ah akan tuah, hrintharnak le hnangamnak tlamtling kanrak ngeih cang, Kan tlamtlinnak Jesuh, kan dinfelnak Khrih, akan khamtu Jesuh zumhnak nan ngeih chung cu zeitik hmanh ah Jsuh hi tlau tak khawh asi lo, Zungzal in zungzal tiang nun dik le Bible timh ning in kan nung peng ko cang lai, Bwaipa min thangthat in um kose.